Fana: At a Speed of Life!

አንድ ጊዜ ተዘርተው ለረዥም ጊዜ ምርት የሚሰጡ ምርቶች ውጤታማ ናቸው ተባለ

አዲስ አበባ፣ የካቲት 25፣ 2011 (ኤፍ.ቢ.ሲ) የኢኖቬሽንና ቴክኖሎጂ ሚኒስቴርአንድ ጊዜ ተዘርተው ለረዥም ጊዜ ምርት የሚሰጡ ምርቶች ውጤታማ መሆናቸውን ገለጸ፡፡

ሚኒስቴሩ ይህንን ያለው በደጋማ ቦታ ላይ እየተሞከረ ያለውን የማሽላ ምርምር ያለበትን ደረጃ በጎበኘበት ወቅት ነው፡፡

በጉብኝቱም በደጋማ የአየር ሁኔታ ላይ እየተሞከረ ያለው የማሽላ ምርምር ሁለተኛው ትውልድ ውጤታማ መሆኑን ተመልክቷል፡፡

ሚኒስቴሩ ከሚደግፋቸው የምርምር ፕሮጀክቶች ውስጥ የማሽላና ሌሎች የእህል ዝርያዎችን አንድ ጊዜ በመዝራት ድጋሚ ሳይዘሩ በተከታታይ ምርት እንዲሰጡ ማድረግ የሚስችለው አንዱ ነው፡፡

ሚኒስትሩ ዶክተር ጌታሁን መኩሪያ ዘር የመዝራት ስርዓትን በማስቀረት ከፍተኛ ምርት መሰብሰብ የሚያስችለውን ምርምር በፍጥነት ወደ አርሶ አደሩ እንዲገባ ምርምሩ በቶሎ እንዲጠናቀቅ ማሳሰባቸውን ከሚኒስቴሩ ያገኘነው መረጃ ያመለክታል፡፡

 

You might also like
Comments
Loading...