Fana: At a Speed of Life!

አንድ የሰሜን ኮርያ ባለስልጣን አሜሪካ ወርቃማ ዕድሏን አበላሽታለች ሲሉ ተደመጡ

አዲስ አበባ፣ መጋቢት 6፣ 2011 (ኤፍ.ቢ.ሲ)አንድ የሰሜን ኮርያ ባለስልጣን ባለፈው ወር በቬይትናም በተደረገው የዶናልድ ትራምፕና የኪም ጁንግ ኡን ውይይት ወቅት አሜሪካ ወርቃማ ዕድሏን አበላሽታለች ሲሉ ተደመጡ።

ይህንን ለውጭ ዲፕሎማቶች የተናገሩት የሰሜን ኮርያ ምክትል የውጭ ጉዳይ ሚኒስትር ቾ ሰን ሁይ ናቸው።

ምክትል የውጭ ጉዳይ ሚኒስትሯ ኪም ጁንግ ኡን ከዶናልድ ትራምፕ ጋር የጀመሩትን ቀጠናውን ከኒውክሌር ነጻ የማድረግ ውይይት ሊያቋርጡት እንደሚችሉም ፍንጭ ሰጥተዋል።

እንዲሁም ኪም የሚሳዔልና የኒውክሌር ሙከራቸውንም ዳግም ሊቀጥሉ እንደሚችሉም የውጭ ጉዳይ ሚኒስትሯ ተናግረዋል።

በቬይትናም የተደረገው የሁለቱ መሪዎች ውይይት የተቋጭው ያለስምምነት መሆኑ የሚታወስ ሲሆን÷ ኪም ማዕቀቡ እንዲነሳላቸው ቢጠይቁም ትራምፕ ሁሉም የኒውክሌር ማዕከሎች ካልተዘጉ ማዕቀቡ እንደማይነሳ ተናግረው ነበር የተለያዩት።

ምክትል የውጭ ጉዳይ ሚኒስትሯ ታዲያ ለሩስያ ዜና አገልግሎት እንደተናገሩት ከአሜሪካ ጋር በዚህ መልኩ ስምምነት ላይ ልንደርስ አንችልም ብለዋል።

በቅርቡም ኪም ጁንግ ኡን ከአሜሪካ ጋር ወደፊት ሊያደርጉት በሚችሉት ውይይት ዙሪያ በይፋ አቋማቸውን እንደሚያሳውቁም ገልጸዋል።

 

ምንጭ፦ቢቢሲ

በአብርሃም ፈቀደ

You might also like
Comments
Loading...