Fana: At a Speed of Life!

አሜሪካ የቦይንግ 737 ማክስ አውሮፕላን የበረራ ፈቃድ ያገኘበት መንገድ እንዲጣራ ትዕዛዝ ሰጠች

አዲስ አበባ ፣ መጋቢት 11 ፣ 2011 (ኤፍ ቢ ሲ) አሜሪካ የቦይንግ 737 ማክስ አውሮፕላን በረራ ለማድረግ ፈቃድ ያገኘበት መንገድ እንዲጣራ ትዕዛዝ ሰጠች።

ትዕዛዙ ባለፉር አምስት ወራት ውስጥ ሁለት የቦይንግ 737 ማክስ አውሮፕላኖች ላይ አደጋ መድረሱን ተከትሎ ነው ተብሏል።

ኢንዶኔዥያና ኢትዮጵያ ላይ በደረሱት አደጋዎችም ተመሳሳይነት መኖሩን የዘርፍ ባለሙያዎች ገልጸዋል።

ይህን ተከትሎም ዋሽንግተን ቦይንግ 737 ማክስ አውሮፕላን በረራ እንዲያደርግ ፈቃድ ያገኘበት መንገድ እንዲጣራ ትዕዛዝ አስተላልፋለች።

የሃገሪቱ የትራንስፖርት ሚኒስትር ኢላይን ቻኦ ቦይንግ 737 ማክስ አውሮፕላን የበረራ ፈቃድ ያገኘበት መንገድ መጣራት አለበት ብለዋል።

የማጣራቱ ሂደት በምን መልኩና እንዴት ይካሄዳል የሚለው ጉዳይ ላይ ግን ዝርዝር መረጃ አልወጣም።

በተያያዘ ዜና የአሜሪካ ፍትህ ቢሮ የሃገሪቱ አቪየሽን ቢሮ በቦይንግ አውሮፕላኖች ላይ እያደረገ ባለው ፍተሻ ላይ ምርመራ መጀመሩ ተነግሯል።

ቢሮው ከፌደራል አቪየሽኑ ፍተሻ ይልቅ በራሱ መንገድ ነገሮችን ለማጣራት መወሰኑም ነው የተነገረው።

የተለያዩ የአውሮፓ ሃገራትና ካናዳ ደግሞ በ737 ማክስ አውሮፕላን ላይ የራሳቸውን የደህንነት ማረጋገጫና ምርመራ ሳያደርጉ የበረራ ፈቃድ እንደማይሰጡ ገልጸዋል።

 

ምንጭ፦ ቢቢሲ

 

 

 

You might also like
Comments
Loading...