Fana: At a Speed of Life!

ቻይና የሃይል አቅርቦት ችግር ለገጠማት ቬንዙዌላ እንድምትደርስ አስታወቀች

 

አዲስ አበባ፣ መጋቢት 4፣ 2011 (ኤፍ.ቢ.ሲ) ቻይና ሰሞኑን በሃይል አቅርቦት ችግር ውስጥ ለምትገኘው ቬንዙዌላ የቴክኒክ ድጋፍ እንድምታደርግ አስታወቀች።

የቻይና የውጭ ጉዳይ ሚኒስትር ቃል አቀባይ ሉ ካን እንደገለጹት ከሆነ  በሀገሪቱ ሃይድሮ ኤሌክትሪክ ሃይል ላይ  የሳይበር ጥቃት እንደደረሰበት ገልጸዋል።

የቬንዙዌላ ፕሬዚዳንት ኒኮላስ ማዱሮ በበኩላቸው በችግሩ ዙሪያ አሜሪካን በተደጋጋሚ ሲከሱ ተደምጠዋል።

ለሃይል አቅርቦቱ መቋረጥም አሜሪካ በሃይድሮ ኤሌክትሪክ ሃይሉ ላይ ውስብስብ የሆነ የሳይበር  ጥቃት በመሰንዘር ኢኮኖሚያዊ ኪሳራ ለማድረስ እንዳቀደችም ተናግረዋል።

ሰሞኑን የተቋረጥው የሃይል አቅርቦት ከትናንት ጀምሮ በአንዳንድ አካባቢዎች መመለሱም ተነግሯል።

ሆኖም በዋና ከተማዋ ካራካስ እና በሀገሪቱ ምዕራባዊ አቅጣጫ የሃይል አቅርቦቱ ወደ ቀድሞ ያለመመለሱ ነው የተነገረው።

የዘርፉ ባለሙያዎች ለሬውተርስ እንደገለጹት ከሆነ የሃይል አቅርቦቱ ሊቋረጥ የቻለው ወደ ብሄራዊ ቋት መግባት የነበረበት ሃይል በቴክኒክ ችግር ምክንያት በመቋረጡ ነው ብለዋል።

ምንጭ፦ሬውተርስ

በአብርሃም ፈቀደ

You might also like
Comments
Loading...