Fana: At a Speed of Life!

ቴስላ በኤሌክትሪክ ሃይል የሚሰራ ተጨማሪ አዲስ ሞዴል ተሽከርካሪ ይፋ አደረገ

አዲስ አበባ፣መጋቢት 6፣2011 (ኤፍ.ቢ.ሲ) ቴስላ የተሰኘው የአሜሪካ መኪና አምራች ኩባንያ በኤሌክትሪክ ሃይል የሚሰራ ተጨማሪ አዲስ ሞዴል ተሽከርካሪ ይፋ አድርጓል።

በትናንትናው ዕለት በሎስ አንጀለስ ይፋ የተደረገው ይህ ዘመናዊና ቅንጡ ተሽከርካሪ ሞዴል ዋይ የሚል መጠሪያ ተሰጥቶታል።

የቴስላ ኩባንያ ሃላፊ ኤሎን ሙስክ አዲሱ ሞዴል ተሽከርካሪ ከዚህ በፊት ከተመረቱት በኤሌክተሪክ የሚሰሩ መኪናዎች በብዙ መንገድ ተሻሽሎ መቅረቡን ተናግረዋል ።

በዚህ መሰረትም አዲሱ ሞዴል ዋይ ተሽከርካሪ አንድ ጊዜ ቻርጅ ተደርጎ 482 ኪሎ ሜትር የመሽከርከር አቅም አለው ተብሏል።

ለዚህ አዲስ ሞዴል በኤሌክትሪክ ሃይል የሚሰራ ተሸከርካሪም 47 ሺህ የአሜሪካን ዶላር የመሸጫ ዋጋ ተቆርጦለታል ።

ይህ ውድና ቅንጡ የተባለው መኪናም በሚቀጥለው ዓመት ለገበያ የሚቀርብ መሆኑን የድርጅቱ ስራ አስኪያጅ ጠቁመዋል ።

አዲሱን ሞዴል መኪና ለራሳቸው ለማድረግ 400 ሺህ ደንበኞች ትዕዛዝ መስጠታቸውን የገለፁት ስራ አስኪያጁ፥ በግብዓት አቅርቦት ችግር ምክንያት ዋጋው ሊሻቅብ እንደሚችልም አንስተዋል።

ቴስላ የቴክኖሎጂ ኩባንያ እንደ አውሮፓውኑ አቆጣጠር በ2017 ሞዴል 3 የተሰኘ በኤሌክትሪክ ሃይል የሚሰራ ተሸከርካሪ ይፋ ማድረጉ ይታወሳል ።

ምንጭ ፦ቢቢሲ

You might also like
Comments
Loading...