Fana: At a Speed of Life!

ባክቴሪያዎች በሺዎች የሚቆጠሩ ማይሎችን በአየር ግፊት ይጓዛሉ – ጥናት

አዲስ አበባ፣ መጋቢት 17፣ 2011 (ኤፍ.ቢ.ሲ) ባክቴሪያዎች በሺዎች የሚቆጠሩ ማይሎችን በአየር ግፊት እንደሚጓዙ አንድ ጥናት አመለከተ፡፡

አሜሪካ ኒውጀርሲ ውስጥ የሚገኘው ሩትገርስ ዩኒቨርሲቲ የባይሎጂና የኬሚስተሪ ትምህርት ክፍል ተማራማሪዎች ባክቴሪያዎች በሺዎች የሚቆጠሩ ማይሎችን በአየር ግፊት እንደሚገዙና በ71 ነጥብ 1 ድግሪ ሴንቲግሬድ የሞቀ ውሃ ውስጥ እንደሚኖሩም አረጋግጠዋል፡፡

የሩትገርስ ዩኒቨርሲቲ ተማራመሪዎች ከቺሊ፣ ጣሊያንና ሩሲያ ፍል ውሀዎች አካባቢ የሚገኙ ቴሩሞስ ቴርፋለስ የተባሉት ባክቴሪያ ዝርያዎች ከፍል ውሀዎቹ በሺዎች የሚቆጠሩ ማይሎችን ርቀው ሄደው ማግኘታቸውም ነው የገለፁት፡

በአዲሱ ጥናት ባክቴሪያዎች ይኖሩበታል ብለን በማናስበው የከባቢ አየር፣ ከሰውና እንስሳት በከፍተኛ ርቀት ላይ በሚገኙ አካባቢዎችና የፈላ ውሃ ውስጥ ሊኖሩ እንደሚችሉ ነው በጥናቱ የተገለጸው፡፡

ከዚህ ቀደም የነበሩ ጥናቶች ባክቴሪያዎች ከአንድ ቦታ ወደ ሌሎች ራቅ ያሉ ቦታዎች ለመዛመት እንሰሳት ወይንም ሌላ ቁስ አካልን ለመሸጋገሪያነት እንደሚያስፈልጋቸው የሚገልጹ እንደነበሩም ዘገባው አስታውሷል፡፡

ምንጭ ፡- ዩፒ አይ

You might also like
Comments
Loading...