Fana: At a Speed of Life!

በጎንደር ከተማ በህገወጥ የሰዎች አዘዋዋሪዎች በኩል ከሀገር ሊወጡ የነበሩ ግለሰቦች በቁጥጥር ስር ዋሉ

አዲስ አበባ፣ መጋቢት 6፣ 2011 (ኤፍ.ቢ.ሲ) በጎንደር ከተማ በህገወጥ የሰዎች አዘዋዋሪዎች በኩል ከሀገር ሊወጡ የነበሩ ግለሰቦች በቁጥጥር ስር ዋሉ።

በከተማዋ ብልኮ ተብሎ በሚጠራው አካባቢ በአይሱዚ መኪና በመጫን በህገወጥ መንገድ በከተማዋዋ በኩል ከሀገር ሊወጡ ሲሉ ተይዘዋል።

ተሽከርካሪው 54 ሰዎችን ጭኖ በሸራ በመከለል ሲነቀሳቀስ ሁኔታውን የተጠራጠሩ የአካባቢው ነዋሪዎች ባደረሱት ጥቆማና በተደረገ ፍተሻ ሰዎቹ መያዛቸው ተመልክቷል።

የጎንደር ከተማ ፖሊስ መምሪያ ለፋና ኤፍ ኤም 98 ነጥብ 1 እንደገለጸው፥ አሽርካሪው ሊጊዜው የተሰወረ ሲሆን ፖሊስ ክትትል እያደረገ ይግኛል።

በህገወጥ የሰዎች ዝውውሩ ሰለባ ሆነው የተያዙ ሰዎች ከተለያዩ የሀገሪቱ ክፍሎች መጥተው የተሰባሰቡ መሆናቸውን ከመታወቂያው ማጋገጡን ፖሊስ አስታውቋል።

 

በነብዩ ዮሐንስ

You might also like
Comments
Loading...