Fana: At a Speed of Life!

በዲሞክራሲያዊ ሪፐብሊክ ኮንጎ ባለፈው ዓመት 500 ሰዎች ተገድለዋል- ተመድ

አዲስ አበባ፣ መጋቢት 4፣ 2011 (ኤፍ.ቢ.ሲ) ባለፈው ዓመት በዲሞክራሲያዊ ሪፐብሊክ ኮንጎ በነበረው ግጭት ምክንያት 500 የሚሆኑ ሰዎች መገደላቸውን የተባበሩት መንግስታት ድርጅት አስታወቀ፡፡

የተባበሩት መንግስታት ድርጅት የምርመራ ቡድን  በሀገሪቱ በነበረው  የጎሳ ግጭት ምክንያት የተፈፀመው  ወንጀል  ኢ-ሰብዓዊ ነው ብሏል፡፡

በዚህ ወንጀል የአንድ ቤተሰብ አባላት ቤት ውስጥ ሆነው ከነህይወታቸው እንዲቃጠሉ  መደረጉ ነው የተጠቆመው፡፡

የአንድ ማህበረሰብ አባላት የሌላኛውን ማህበረሰብ አለቃ መሬት  ለማቃጠል ጥረት ባደረጉበት ወቅት በሀገሪቱ የብሄር ግጭቱ  መቀስቀሱ ተነግሯል፡፡

የተባበሩት መንግስታት ድርጅት የምርመራ ቡድን ይህ ብሄርን መሰረት ያደረገው ግጭት በማንኛውም ሰዓት ሊያገረሽ እንደሚችል ነው ያስታወቀው፡፡

የምርመራ ቡድኑ የብሄር ግጭቱ እንዲቀሰቀስ ምክንያት በመሆነው አካባቢ የነበሩ የመንግስት አካላት ህዝቡን ከአደጋ መከላከል እንዳልቻሉና ለዚህም ተጠያቀቂ መሆናቸውን ነው ያመለከተው፡፡

ባሳለፍነው ጥር ወር የተባበሩት መንግስታት ድርጅት 890 የሚሆኑ ሰዎች ሳይሞት አይቀርም ሲል ግምቱን አስቀምጦ እንደነበረ የሚታወስ ነው፡፡

በዲሞክራሲዊ ኮንጎ ብሄርን መሰረት ያደረገ ግጭት ከተቀሰቀሰባቸው አራት መንደሮች በሶስቱ የተመድ የምርመራ ቡድን የማጣራት ስራ ማከናወኑ የተነገረ ሲሆን፥ 16 ሺህ የሚሆኑ ሰዎች ለስደት መዳረጋቸው ተነግሯል፡፡

ምንጭ፡-ቢቢሲ

 

You might also like
Comments
Loading...