Fana: At a Speed of Life!

በየካቲት ወር የነዳጅ ዋጋ ባለበት ይቀጥላል

አዲስ አበባ ፣ የካቲት 29 ፣ 2011 (ኤፍ ቢ ሲ) በየካቲት ወር የነዳጅ የችርቻሮ ዋጋ ባለበት እንደሚቀጥል የንግድ ሚኒስቴር አስታወቀ።

ሚኒስቴሩ ባወጣው መግለጫ፥ መንግስት በሃገሪቱ ማህበራዊና ኢኮኖሚያዊ እንቅስቃሴ በተረጋጋ ሁኔታ እንዲቀጥል ለማስቻል ከአውሮፕላን ነዳጅ በስተቀር የሌሎች ነዳጅ ምርቶች ዋጋ አሁን በስራ ላይ ያለው በመጋቢት ወርም  ባለበት እንዲጥል መወሰኑን ገልጿል።

የአውሮፕላን የነዳጅ ዋጋ በየካቲት ወር ሲሸጥ ከነበረበት በሊትር 20 ብር ከ62 ሳንቲም በዓለም ገበያ ወቅታዊ ዋጋ መሰረት ተሰልቶ በተገኘው ልዩነት 2 ብር ከ12 ሳንቲም በመጨመር በሊትር 22 ብር 74 ሳንቲም እንዲሸጥ ተወስኗል።

ሚኒስቴሩ በዓለም ገበያ ላይ የሚኖረውን የነዳጅ ዋጋ መነሻ በማድረግ እንደአስፈላጊነቱ ማሻሻያ ሊደረግ እንደሚችልም አስታውቋል።

የነዳጅ የችርቻሮ ዋጋ ከአንድ አመት በላይ ለውጥ ሳይደረግበት በመቆየቱ እና በሌሎች ኢኮኖሚያዊ ምክንያቶች ለሁሉም የነዳጅ ምርቶች መሸጫ ዋጋ ላይ ባለፈው ህዳር እና የካቲት ወሮች ላይ መጠናኛ ማስተካከያ መደረጉ ይታወሳል።

You might also like
Comments
Loading...