Fana: At a Speed of Life!

ኦሮሚያ ክልል ለ1 ዓመት የሚቆይ የግብር ንቅናቄ የፊታችን መጋቢት 14 ይጀምራል

አዲስ አበባ፣ መጋቢት 12፣ 2011 (ኤፍ.ቢ.ሲ) በኦሮሚያ ክልል ለ1 ዓመት የሚቆይ የግብር ንቅናቄ ከመጋቢት 14 2011 ዓ.ም ጀምሮ እንደሚካሄድ የክልሉ የገቢዎች ባለስልጣን አስታወቀ።

“ግዴታዬን እወጣለሁ መብቴንም እጠይቃለው” በሚል በመሪ ቃል የሚካሄደው የግብር ንቅናቄው የመክፈቻ ስነ ስርዓት መጋቢት 14 2011 ዓ.ም በአዳማ እንደሚጀመር ባለስልጣኑ ገልጿል።

የኦሮሚያ ገቢዎች ባለስልጣን ዋና ዳይሬክተር ወይዘሮ ልቱ ሳኒ፥ የግብር ንቅናቄው በሁሉም የኦሮሚያ ዞኖች፣ ወረዳዎች እና ከተሞች ይካሄዳል ብለዋል።

አላማውም ግንዛቤ በመፍጠር ግብር ከፋዩን ይበልጥ አሳታፊ ለማድረግና የግብር አሰባሰብ ህጉን በማስጠበቅ የክልሉ ገቢ እንዲጨምር ለማስቻል ነው ሲሉም ተናግረዋል።

በኦሮሚያ ክልል በ2011 በጀት ዓመት 18 ነጥብ 5 ቢሊየን ብር ገቢ ለመሰብሰብን ታቅዶ እየተሰራ መሆኑ ተገልጿል።

ከእነዚህ ውስጥ 15 ቢሊየን ብር ከመደበኛ፤ ከማዘጋጀ ቤት ዶግሞ 3 ነጥብ 5 ቢሊየን ሲሆን፥ በስድስት ወራት ውስጥ በቅንጅት በተሰራው ስራም የእቅዱን 108 በመቶ መከናወን ተችሏል ብለዋል።

በዚህም የመደበኛ ገቢ 20 ነጥብ 5 በመቶ ጭማሪ ያሳየ ሲሆን፥ የማዘጋጃ ቤት ገቢ ደግሞ በ15 በመቶ ጭማሪ አሳይቷል ነው ያሉት።

 

በትዝታ ደሳለኝ

 

You might also like
Comments
Loading...