Fana: At a Speed of Life!

በአውሮፓ ሻምፒዮንስ ሊግ ማንቼስተር ዩናይትድ ከባርሴሎናና ቶትንሃም ከማንቼስተር ሲቲ ተገናኙ

አዲስ አበባ፣ መጋቢት 6፣ 2011 (ኤፍ.ቢ.ሲ)  የአውሮፓ ሻምፒዮንስ ሊግ እና የኢሮፓ ሊግ ሩብ ፍፃሜ ድልድል ይፋ ሆነ።

በዛሬው ዕለት ይፋ በሆነው የአውሮፓ ሻምፒዮንስ ሊግ የሩብ ፍፃሜ ድልድል ሁለቱ የእንግሊዝ ክለቦች ቶተንሃምናና ማንቼስተር ሲት ተገናኝተዋል።

ሌላው የእንግሊዙ ክለብ ማንቼስተር ዩናይትድ የስፔኑን ባርሴሎና ማግኘት ግድ ብሎታል።

አትሌቲኮ ማድሪድን በክርስቲያኖ ሮናልዶ ሶስት ግቦች 3 ለ 0 በማሸነፍ ግማሽ ፋፃሜውን የተቀላቀለው ጁቬንቱስ ከአያክስ ጋር ተደልድሏል፡፡

ሌላኛው የእንግሊዝ ክለብ ሊቨርፑል ከፖርቱ ጋር የሚገናኝ ይሆናል።

በዚህ ድልድል መሰረት ማንቼስተር ዩናይትድ ከባርሴሎ እና ሁለቱ የእንግሊዝ ክለቦ ሲቲን ከቶትንሃም የሚገናኙበት ጨዋታዎች ከፍተኛ ግምት ተሰጥቷቸዋል።

በተመሳሳይ  ዛሬ በወጣው በኢሮፓ ሊግ ድልድል የእንግሊዙ አርሰናል ከጣሊያኑ ናፖሊ ተገናኝተዋል።

በሌሎች ምድቦች ቪላሪያል ከቫሌኔሺያ፣ ቤኔፊካ ከኢንትራ ፍራንክፈርት እና ቼልሲ ከስላቪያ ተገናኝተዋል።

 

በኤፍሬም ምትኩ

You might also like
Comments
Loading...