Fana: At a Speed of Life!

በአማራ ክልል የሚገኙ ተፈናቃዮችን በዘላቂነት ለማቋቋም በተካሄደ የገቢ ማሰባሰቢያ ፕሮግራም ከ610 ሚሊየን ብር በላይ ተገኘ

አዲስ አበባ፣መጋቢት 7፣2011 (ኤፍ.ቢ.ሲ) በአማራ ክልልና ከሌሎች ክልሎች በተለያዩ ምክንያቶች የተፈናቀሉ ዜጎችን በዘላቂነት ለማቋቋም የሚያስችል ገቢ ለማሰባሰብ በሸራተን አዲስ ሆቴል በተዘጋጀ ፕሮግራም ከ610 ሚሊየን ብር በላይ ገቢ ተሰበሰበ።

የአማራ አቀፍ ልማት ማህበር /አልማ/ ባዘጋጀው በዚህ መድረክ የኢፌዴሪ ምክትል ጠቅላይ ሚኒስትር አቶ ደመቀ መኮንንን ጨምሮ በርካታ የፌዴራልና የክልል መንግስት የስራ ሃላፊዎች ታድመዋል።

መደጋገፍ እና መረረዳት ባህሉ በሆነ ማህበረሰብ ውስጥ የተፈናቀሉ ወገኖችን በዘላቂነት ለማቋቋም ሁሉም ዳር እስከ ዳር እንዲረባረብ ምክትል ጠቅላይ ሚኒስትር አቶ ደመቀ መኮንን ጥሪ አቅርበዋል።

በመድረኩም ኢትዮጵያ ከሌላ ሀገር እንግዳ ተቀብላ በማስተናገድ የምትታወቅ ሀገር በመሆኗ በተለያዩ ክልሎችና አካባቢዎች በግጭት ምክንያት የተፈናቀሉ የራሷን ዜጎችን መርዳት እንደሚገባ ተጠቁሟል።

በፕሮግራሙ የተሰበሰበው ገንዘብ  ከተለያዩ የሀገሪቱ ክፍሎች ተፈናቅለው በክልሉ የሚገኙ ከ91 ሺህ 300 በላይ ተፈናቃይ ዜጎችን በዘላቂነት ለማቋቋም ይውላል ተብሏል

በፕሮግራሙ ማጠናቀቂያ ላይ የክልሉ ርዕሰ መስተዳድር ዶክተር አምባቸው መኮንን ባስተላለፉት የምስጋና መልዕክት በመንፈስም በገንዘብም ባደረጉት ድጋፍ ለጋሾች የአብሮነት መልዕክት አስተላልፈዋል ብለዋል።

ከክልሉ አልፎ በሌሎች ክልሎችም የተፈናቀለውን ለመደገፍ ህዝቡን በመወከል የክልሉ መንግስት እንደሚሰራም ቃል ገብተዋል።

 

 

በሶዶ ለማ

You might also like
Comments
Loading...