Fana: At a Speed of Life!

በናይጄሪያ ሌጎስ ህንፃ ተደርምሶ የ10 ሰዎች ሕይወት አለፈ

አዲስ አበባ፣ መጋቢት 5፣ 2011 (ኤፍ.ቢ.ሲ) በናይጄሪያ መዲና ሌጎስ ህንፃ ተደርምሶ የ10 ሰዎች ሕይወት አለፈ፡፡

በናይጄሪያ ሌጎስ በተከሰተው የህንፃ መደርመስ አደጋ ቢያንስ የ10 ሰዎች ህይወት ሲያልፍ ሌሎች በርካታ ታዳጊዎች በፍርስራሹ ውስጥ እንዳሉ ተነግሯል፡፡

አደጋው የደረሰው የመኖሪያ አፓርትመንቶችና ትምህርት ቤት ያከተተ ባለአራት ፎቅ ህንፃ መደርመሱ ነው ተብሏል፡፡

በህንፃው አራተኛው ፎቅ ላይ በውስጡ ከ100 በላይ ተማሪዎችን የያዘ ትምህርት ቤት የነበረ ሲሆን÷ 40 ዎቹ ከፍርስራሹ ውስጥ በህይወት መውጣታቸው ተገልጿል፡፡

የአደጋ ጊዜ ሰራተኞችና የአካባቢው ሰዎች በነፍስ አድን ስራው ላይ እየተረባረቡ ነው ተብሏል፡፡

ይሁን እንጅ የተማሪ ወላጆች ወደ አደጋው ቦታና ሆስፒታል በመግባት ልጆቻቸውን ለመፈለግ የሚያደረጉት ጥረት የነፍስ አድን ስራው ላይ ተጽዕኖ እንዳሳደረ ነው የተገለጸው፡፡

አደጋው በተከሰተበት አቅራቢያ በሚገኘው ሌጎስ ደሴት አጠቃላይ ሆስፒታል ውስጥ የተማሪ ደንብ ልብስ የለበሱ ጉዳት የደረሰባቸው ህፃናት በአምቡላንስ ሲገቡ መታየታቸውንም የዓይን እማኞች ተናግረዋል፡፡

ህንፃው የመሰንጠቅ ችግሮች የነበሩበት፣ ቅሬታ የቀረበበትና እንዲፈርስ ውሳኔ የተላለፈበት እንደነበረም ዘገባው ያመለክታል፡፡

ምንጭ፡- ቢ ቢ ሲ

You might also like
Comments
Loading...