Fana: At a Speed of Life!

በትግራይ ክልል ዘላቂ ሰላምና ፈጣን ልማትን ለመረጋገጥ የገቢ ማሰባሰብያ መርሃ ግበር ሊያካሂድ መሆኑን የክልሉ መንግስት ገለፀ

አዲስ አበባ፣ መጋቢት 8፣ 2011 (ኤፍ.ቢ.ሲ) በትግራይ ክልል ዘላቂ ሰላምና ፈጣን ልማትን ለመረጋገጥ የገቢ ማሰባሰብያ መርሃ ግብር ሊያካሂድ መሆኑን የክልሉ መንግስት ገለፀ

የገቢ ማሰባሰቢያ መርሃ ግብሩ በክልሉ ያለውን የድህነትና የስራ አጥ መጠንን ለመቀነስ፣ አዳዲስ የልማት አቅጣጫዎች ለማስቀመጥ እና ሁለንተናዊ አቅም ያለው ክልል ለመገንባት ያለመ መሆኑንም የክልሉ መንግስት አስታውቋል።

የገቢ ማሰባሰቢያ መርሃ ግብሩን ለማፋጠን የሚያግዙ የገቢ ማሰባሰብ ኮሚቴዎች እንደተዋቀሩም የትግራይ ክልል የእቅድና ፋይናንስ ቢሮ ሀላፊ አቶ ዳንኤል አሰፋ አስታውቀዋል።

ለገቢ ማሰባሰብ መርሃ ግብሩም የተደራጀ የህዝብ ተሳትፎ አስፈላጊ መሆኑንም ሀላፊው ገልፀዋል።

ሀላፊው አቶ ዳንኤል አሰፋ በመግለጫቸው፥ በፌደራልና ክልሉ መንግስት የሚመደብ በጀት ከመደበኛ የልማት እንቅስቃሴ አልፎ ሰፋፊና  ብዙ የልማት ስራዎች ለመከናወን ስለማያስችል የህዝብ እገዛ ወሳኝ ነው ብለዋል።

ስለዚህም በጥናት ላይ መሰረት ያደረገ የገቢ ማሰባሰብያ መርሃ ግበር እደሚከናወን ተናግረዋል።

ከገቢ ማሰባሰቢያ መርሃ ግብሩ የሚገኘው ድጋፍም በትግራይ ክልል ያለውን የድህነትና ስራ አጥነት መጠን በማቃለል ሁለተኛውን የእድገትና ትራስፎርሜሽን እቅድ ለማሳካት ወሳኝ መሆኑንም ገልፀዋል።

የድጋፍ ጥሪው በሙሉ ፍቃደኝነት የተመሰረተ መሆኑን እና ጥሪውም በትግራይ ክልል፣ በመላው ኢትዮጵያና ከኢትዮጵያ ውጭ ያሉ የትግራይ ክልል ተወላጆችና ወዳጆችን የሚያካትት መሆኑንን አስታውቀዋል።

ድጋፍ ማድረግ የሚፈልጉም በገንዘብ ፣ በሙያቸው እና ንብረታቸው የሚሳተፉበት እንደሚሆንም ሀላፊው አቶ ዳንኤል ገልፀዋል።

ለገቢ ማሰባሰቢያ መርሃ ግብሩም በየደረጃው አምስት ኮሚቴዎች እንደተቋቋሙና በቅርብ ግዜ በሁሉም የደደቢት ማይክሮፋይናንስ ቅርንጫፎች፣ በአንበሳ ባንክ፣ የኢትዮጵያ ንግድ ባንክና ወጋገን ባንክ ሒሳብ ቁጥር ተከፍቶበት ይፋ እንደሚደረግም አስታውቀዋል።።

በሳሙኤል ገብረታትዮስ

You might also like
Comments
Loading...