Fana: At a Speed of Life!

በትዳር ውስጥ ደስተኛ መሆን ከበራሄያችን ላይ ሊያያዝ ይችላል- ጥናት

አዲስ አበባ፣ የካቲት 27፣ 2011 (ኤፍ.ቢ.ሲ) በትዳር ህይወታችን ደስተኛ መሆን ከበራሄያችን (ጂን) ጋር ሊያያዝ እንደሚችል ጥናት አመልክቷል።

የአሜሪካ ያሌ ዩኒቨርሲቲ ጥናት እንዳመለከተው፥ በትዳር ውስጥ ያለው ደስተኛ ህይወት እንደ ጥንዶቹ የበራሄ ልዩነት ሊለያይ ይችላል ብሏል።

በተለይም ኦክሲቶኒን ወይም የፍቅር ሆርሚን በመባል የሚጠራው ሆርሞን መቀራረብ እና መለያየት ደስተኛ ሀይወት መምራት ላይ ወሳኝ መሆኑ ተነግሯል።

ያሌ ዩኒቨርሲቲ የህብረተሰብ ጤና ኮሌጅ ተባባሪ ፕሮፌሰር ጆዋን ሞኒን፥ በትዳር ውስጥ ያሉ ሰዎች በራሳቸው አሊያም በትዳር አጋራቸው በራሄ ምክንያት የተለያዩ ምልክቶች ሊስተዋሉባቸው ይችላል ብለዋል።

ፕሮፌሰር ጆዋን ሞኒን በጥናቱ ላይ እድሜያቸው ከ37 እስከ 90 መካከል የሆኑ 178 ባለትዳሮች ተሳትፈዋል  መካፈላቸውን አስታውቀዋል።

ተሳታፊዎቹ ለትዳራቸው ምን አይነት ስምት እንዳላቸው መጠየቃቸውንና ምራቃቸውንም ለምርመራ እንዲሰጡ መደረጉንም ፕሮፌሰር ጆዋን ገልፀዋል።

በጥናቱም ኦክሲቶኒን (የፍቅር ሆርሞን) አምጪ በራሄያቸው ላይ መጠነኛ የሆነ ልዩነት ያላቸው ሰዎች የኦክሲቶኒን አምጪ በራሄያቸው ሙሉ በሙሉ የተለያየ ከሆኑት ጋር ሲነፃፀሩ በትዳራቸው ደስተኛ ሆነው መገኘታቸው መለየቱን ጠቅሰዋል።

አሁንም የሰዎች በራሄ ልዩነት እና መመሳሰል በትዳራቸው ላይ ምን ጫና ሊያስከትል ይችላል የሚለው ላይ የሚሰራው ጥናት አለመጠናቀቁን እና በቀጣይ የሚሰሩ ጥናቶች መኖራቸውን አስታውቀዋል።

ምንጭ፦ www.upi.com

You might also like
Comments
Loading...