Fana: At a Speed of Life!

በትምህርቱ ዝቀተኛ ውጤት ያስመዘገበው የ12 ዓመት ታዳጊ በእናቱ ከቤት ተባረረ

አዲስ አበባ፣ መጋቢት 3፣ 2011 (አፍ.ቢ.ሲ) ወላጆች የልጆቻቸውን  የወደፊት ህይወት ለማስተካከል ብርቱ ጥረት ማድረግጋቸው የተለመደ ነው፡፡

በተለይም ለታዳጊዎች የተሻለ ትምህርት እንዲያገኙ በማድረግ ለውጤታማነታቻው የሚከፍሉት መስዋዕትነት ለዚህ አንዱ ማሳያ ነው፡፡

ወላጆቹ ለታዳጊዎቹ የሚያደርጉት የገንዘብና ቁሳቁስ ድጋፍ፣ ምክርና የቤተሰብ ፍቅር እንዳለ ሆኖ ግን ታዳጊዎቹ ውጤታማ ቢሆኑም ባይሆኑም በቤተሰቦችና ታዳጊዎች መካከል ያለው ቤተሰባዊ ግንኙነት የማይነዋጥ መሰረት ላይ የተገነባ ነው፡፡

ከሰሞኑ ከወደ ቻይና የተሰማው የአንዲት እናት ውሳኔ ብዙዎችን አስገርሟል፡፡

እኚህ እናት የ12 ዓመቱ ታዳጊ ልጃቸው በትምህርት ቤቱ  የሚጠበቅትን የ95 በመቶ  ውጤት ባለማዝመዝገቡ ከቤታቸው እንዳባረሩት ነው የተነገረው፡፡

ሉዩያንግ ከተማ ውስጥ አውራ ጉዳና ላይ ታዳጊውን ያገኘው ፖሊስም ታዳጊውን ወደ ፖሊስ ጣቢያ ወስዶ ታዳገዊው በእናቱ ከመኖሬያ ቤቱ መባረሩን አረጋግጧል፡፡፡

እናት 95 ከመቶ እየጠበቁ 81 ከመቶ ያስመዘገበው ይህ ታዳጊ በውጤቱ ዝቅተኛነት ወላጅ እናቱ ከቤታቸው በመኪና ወስዳው በትራፊክ በተጨናነቀው አውራ መንገድ ላይ ጥለውት መሄዳቸውን የፖሊስ መረጃ ያመለክታል፡፡

ይሁን እንጅ ወይዘሮዋ የተጣለው ቅጣት ቢጣልባቸውም ቅጣቱን በጸጋ ከመቀበል ውጭ ከዚህ በኋላ ታደጊው ወደ ቤታቸው ፈጽሞ ሊመለስ እንደማይችል አረጋግጠዋል ነው የተባለው፡፡

በዚህም ታዳጊው በአጎቱ እስከተወሰደበት ጊዜ ድረስ ቆይታውን ፖሊስ ጣቢያ ማድረጉ ነው የተነገረው፡፡

አጎትዮው በማግባባት ታዳጊውን ለእናቱ ያስረክብ አያስረክብ በዘገባው አልተካተተም፡፡

በጉዳዩ ላይ የተለያዩ ሰዎች በማህበራዊ ሚዲያ እኚህ እናት ትግስት እንደሚያስፈልጋቸው አስተያየታቸውን ሲሰጡ ሌሎቹ ኃላፊነት የጎደላቸው ሲሉ ወንጅለዋቸዋል፡፡

ምንጭ፡- odditycentral.com

You might also like
Comments
Loading...