Fana: At a Speed of Life!

በታንዛኒያ እስር ቤት ውስጥ የነበሩ 50 ኢትዮጵያውያን ከእስር ተለቀቁ

አዲስ አበባ፣መጋቢት 05፣2011 (ኤፍ.ቢ.ሲ) በታንዛኒያ እስር ቤት ውስጥ የነበሩ 50 ኢትዮጵያውያን ከእስር መለቀቃቸው ተገለፀ።

የኢፌዴሪ የውጭ ጉዳይ ሚኒስቴር ከብሄራዊ አደጋ ስጋት አስተዳደር ኮሚሽንና ከታንዛኒያ መንግስት ጋር ባደረገው የተቀናጀ ስራ በታንዛኒያ እስር ቤት ውስጥ የነበሩ 50 ኢትዮጵያውያን በነፃ ተፈትተዋል።

ኢትዮጵያውያኑ ታንጋ ተብሎ በሚጠራ የታንዛኒያ እስር ቤት ውስጥ የነበሩ መሆናቸውን ከውጭ ጉዳይ ሚኒስቴር ያገኘነው መረጃ ያመላክታል።

ሚኒስቴሩ በቀጣይም በተለያዩ የታንዛኒያ እስር ቤቶች ታስረው የሚገኙ 450 የሚሆኑ ኢትዮጵያውያንን ለማስፈታትና ወደ ሀገራቸው ለመመለስ እየተሰራ መሆኑን አስታውቋል።

መንግስት በተለያዩ የውጭ ሀገራት እስር ቤቶች  የሚገኙ ዜጎች ደህንነታቸውና ሰብዓዊ መብታቸው ተጠብቆ ወደ ሀገራቸው እንዲመለሱ የማድረጉን ስራ አጠናክሮ የሚቀጥል መሆኑንም ተጠቁሟል።

You might also like
Comments
Loading...