Fana: At a Speed of Life!

በብሪታኒያ በተደረገ የሴል ህክማና የኤች አይቪ ህመምተኛ መፈወሱ ተገለጸ

አዲስ አበባ፣ የካቲት 26፣ 2011 (ኤፍ.ቢ.ሲ) በብሪታኒያ በተደረገ የሴል ህክማና የኤች አይቪ ህመምተኛ መፈወሱ ተገለጸ፡፡

በስም ያልተጠቀሰው የካንሰር ህክምናውን እየተከታተለ የነበረው ብሪታኒያዊ ላለፉት ከ18 ዓመታት ኤች አይ ቪ ከቫይረሱ ነፃ መሆኑ ተነገሯል፡፡

ይህ ውጤት የተገኘውም በሀገሪቱ ለሁለተኛ ጊዜ በተከናዎነው የሴል ንቅለ ተከላ ህክመና መሆኑም ነው የተገለጸው፡፡

መድሃኒቱን መውሰዱን እንዳቋረጠ የተነገረው ይህ ሰው በደሙ ውስጥ ቫይረሱ እንደሌለ ተርጋግጧልም ነው የተባለው፡፡

በአውሮፓዊያኑ 2012 ለደም ካንሰር የተጋለጠው በሽተኛው ከ2003 ጀምሮ ቫይረሱ በደሙ ውስጥ እነደነበረበትም ተነግሯል፡፡

በዚህም የኬሞቴራፒና የሴል ንቅለ ተከላ ከተደረገለት በኋላ ከሁለቱም በሽታዎች መፈወሱን ዘገባው ያመለክታል፡፡

ይህ አይነት ያልተለመደ ነው ያሉት ባለሙያዎች በቀጣይ ግን በሽታውን ለማከም  አንዱ አማራጭ ሊሆን ይችላል ብለዋል፡፡

የለንደን ዩኒቭርሲቲ ኮሌጅ፣ የለንደን ኢምፐሪያል ኮሌጅ ፣ የካምፕሪጅ ኮሌጅና የኦክስፎርድ ዩንቨርሲቲ ተማራማሪዎች በህክመናው ላይ መሰታፋቸውንም ዘገባው ያስረዳል፡፡

ምንጭ፡- ቢ ቢ ሲ

You might also like
Comments
Loading...