Fana: At a Speed of Life!

በቤቶች ኮርፖሬሽን አዳዲስ የቤት ግንባታ ለማስጀመርና በኪራይ ተመን ማሻሸያ ላይ ውይይት እየተደረገ ነው

አዲስ አበባ፣ መጋቢት 6፣ 2011 (ኤፍ.ቢ.ሲ) በፌደራል ቤቶች ኮርፖሬሽን አዳዲስ የቤት ግንባታ ለማስጀመርና በንግድና በድርጅት ቤቶች የኪራይ ተመን ማሻሸያ ላይ ውይይት እየተደረገ ነው።

በውይይቱ በቤቶች ኮርፖሬሽን የሚገነቡ የንግድና የድርጅት ቤቶች የውል ስምምነት እንደሚደረግ ይጠበቃል።

እንዲሁም የመኖሪያ ቤት እጥረትን ለመፍታት ያስችላሉ የተባሉ ቤቶች ይገነባሉ ተብሏል።

በዚህም በሁለት ዓመት ጊዜ ውስጥ ተገንብተው የሚጠናቀቁ ከ7 እስክ 12 ወለል የያዙ ብዛታቸው 435 የሚሆኑ የንግድና የመኖርያ ቤቶችን ለመገንባት ውል ገብቷል።

ከአምስት ተቋራጮች ጋር የውል ስምምነት የተገባ ሲሆን በመጀመሪይው ዙር አምስት የፕሮጀክት ሳይቶች ይኖሩታል።

የሚገነቡት ህንጻዎች የሚወጣባቸው ወጪም 1 ነጥብ 8 ቢሊየን ብር ነው ተብሏል።

ቤቶች ኮርፖሬሽን ህንጻዎቹን በመዲናዋ በሚገኙ ዘጠኝ ክፍል ከተሞች ላይ እንደሚገነቡም ገልጿል።

ላለፉት 41 ዓመታት በአገልግሎት ላይ የነበረው የኪራይ ተመን ዋጋ ለማሻሻል የተደረገው ጥናት በማጠናቀቅ ወደ ተግባር መገባቱም ተገልፆል።

በማሻሸያው መሰረት ከ95 በመቶ በላይ ውል እየተገባ መሆኑን የገለፀው ኮርፖሬሽኑ በአፈጻፀም ሂደት ውይይት እየተደረገ ነው መሆኑን ገልጿል።

በቀጣይም ከኪራይ ተመን ዋጋ ማሻሻያ ጋር በተያያዘ ይሚነሱ ቅሬታዎችን እንደሚመለከትም ኮርፖሬሽኑ ጠቅሷል።

 

በሃይለየሱስ መኮንን

You might also like
Comments
Loading...