Fana: At a Speed of Life!

በማሌዥያ ከአካባቢ ብክለት ጋር በተያያዘ 111 ትምህርት ቤቶች ተዘጉ

አዲስ አበባ፣ መጋቢት 5፣ 2011 (ኤፍ.ቢ.ሲ) በማሌዥያ ከአካባቢ ብክለት ጋር በተያያዘ 111 ትምህርት ቤቶች ተዘጉ፡፡

ትምህርት ቤቶቹ የተዘጉት በማሌዥያ ጆሆር ደቡባዊ ግዛት የኢንዱስትሪ ከተማዋ ፓሲር ጉዳንግ አቅራቢያ በተከሰተ የአካባቢ ብክለት 500 ያህል ሰዎች መታመማቸውን ተክተሎ ነው ተብሏል፡፡

ለብክለቱ የተጋለጡ ሰዎች የማቅለሽለሽና የማስመለስ ስሜት ያጋጠማቸው ሲሆን÷ ከህሙማኑ መካከል አብዛኞቹ ተማሪዎች መሆናቸውም ነው የተገለጸው፡፡

ከዚሁ ጉዳይ ጋር በተያያዘ 160 ያህል ህሙማን ሆስፒታል አልጋ ይዘው የጤና ሁኔታቸውን እየተከታተሉ መሆኑም ነው የተነገረው፡፡

በዚህም የሀገሪቱ ትምህርት ሚኒስቴር ችግሩ በተከሰተባቸው አካባቢ ያሉ 111 ትምህርት ቤቶች እንዲዘጉ ውሳኔ አስተላልፏል ነው የተባለው፡፡

ብክለቱ ከቆሻሻ አወጋገድ ችግር ጋር በተያያዘ ክፍተት የተከሰተ ሳይሆን እንዳልቀረም ነው የተገለጸው፡፡

በዚሁ አካባቢ ባሳለፍነው ሳምንት አካባቢን የሚመርዝ ቆሻሻ ሲጥሉ ሶስት ሰዎች መያዛቸው ተገለጸ ሲሆን÷ የአካባቢ ጥበቃ ህግ በመተላላፍ ፍርድ ቤት ይቀርባሉ ተብሎ ይጠበቃል ተብሏል፡፡

በዚሁ ድርጊታቸውም እስከ 5 ዓመት የሚደርስ የእስራት ቅጣት ውሳኔ ሊተላለፍባቸው እንደሚችልም ነው ዘገባው

የሚያስረዳው፡፡

ምንጭ፡- አልጀዚራ

You might also like
Comments
Loading...