Fana: At a Speed of Life!

በህልሟ ሎተሪ ስታሸንፍ ያየችው አሜሪካዊት በእውን ሎተሪ ቆርጣ የ4 ሚሊየን ዶላር እድለኛ ሆናለች

አዲስ አበባ፣ መጋቢት 4፣ 2011 (ኤፍ.ቢ.ሲ) በአሜሪካዋ ሚቺጋን ነዋሪ የሆነችው ግለሰብ በህልሟ የሎተሪ አሸናፊ ስትሆን አይታ በእውን በቆረጠችው የሎተሪ ትኬት የ4 ሚሊየን የአሜሪካ ዶላር አሸናፊ መሆን ችላለች።

የ28 ዓመቷ አሜሪካዊት እንደተናገረችው ከሆነ የሎተሪ እጣውን ለመግዛት የተነሳሳቸው በህልሟ ሎተሪ ሲደርሳት ማየቷን ተከትሎ ነው።

“ይህ እብደት ሊሆን ይችላል ነገር ግን ከአራት ወር ገደማ በፊት በህልሜ የ4 ሚሊየን ዶላር የሎተሪ እድለኛ ስሆን አየሁ፤ ከዚያን ጊዜ ጀምሮ በ30 ዶላር በርካታ የሎተሪ ትኬቶችን ገዝቻለሁ” ብላለች።

በቅርቡ የገዛውትን የሚሊየነር ክለብ ሎተሪ ስትፍቅ የ4 ሚሊየን ዶላር እድለኛ መሆኑን አወቅሁ የምትለው ግለሰቧ በሁኔታው በጣም መገረሟን እና መደሰቷን ተናግራለች።

ሁኔታውን ማመን ስላቃታትም ጓደኛዋን ጠርታ በድጋሚ ትኬቱን በማየት ማረጋገጧንም ነው የተገለችው።

በደረሳት እጣም ያለባትን የትምህርት ብድር ክፍያ ለመክፈል፣ ለልጆቿ ትምህርት ለመቆጠብ፣ ቤት ለመግዛት እና ኢንቨስትመንት ላይ ለመሳተፍ እንዳቀደችም አስታውቃለች።

ምንጭ፦ www.upi.com

You might also like
Comments
Loading...