Fana: At a Speed of Life!

ሴቶች ወደ ጤና ተቋማት ለመሄድ ከወንዶች ይዘገያሉ – ጥናት

አዲስ አበባ፣ መጋቢት 3፣ 2011 (ኤፍ.ቢ.ሲ) ሴቶች ወደ ጤና ተቋማት ለመሄድ ከወንዶች እንደሚዘገዩ አንድ ጥናት አመለከተ፡፡

የዴኒማርኩ ኖቮ ኖርዲስክ ፋውንዴሽን በ770 ሰዎችን ባሳተፈበት ጥናት መሰረት ሴቶች በአማካይ ከወንዶቹ በአራት ዓመታት ያህል ዘግይተው ምርመራ ያደርጋሉ፡፡

የካንሰር ምርመራን በተመለከተም ሴቶች በአማካይ ከወንዶቹ በ2 ነጥብ 5 ዓመታት እንደሚዘገዩ የተገለጸ ሲሆን÷ ስኳርን የመሰሉ ከአመጋገብና የምግብ ውህደት ጋር በተያያዘ በሚከሰቱ የጤና ችግሮች ላይ ደግሞ በአማካይ በ4 ነጥብ 5 ዓመት ዘግይተው ታይተዋል ነው የተባለው፡፡

በዚህም ሴቶች ከወንዶቹ ዘግይተው የጤና ክትትል እንደሚጀምሩ ነው የተነገረው፡፡

በሁለቱ ጾታዎች መካከል ይህ ሰፊ ልዩነት የታየው ሁለቱም ጾታዎች አገልግሎቱን እኩል ማግኘት በሚችሉበት ሁኔታ ነው ተብሏል፡፡

ልዩነቱ ሰፊ በመሆኑም ክፍተቱን ለማጥበብ የሚያስችሉ ስልቶች መቀየስ አስፈላጊ መሆኑን የምርምሩ ተሳታፊና የጥናቱ ጸሀፊ ሶረን ብሩአንክ ተናግረዋል፡፡

ምንጭ፡- ዩ ፒ አይ

You might also like
Comments
Loading...