Fana: At a Speed of Life!

ሳምሰንግ ሁለት አዳዲስ ታጣፊ ስማርት ሰልኮችን እየሰራ መሆኑ ተገለፀ

አዲስ አበባ፣ የካቲት 27፣ 2011 (ኤፍ.ቢ.ሲ) የደቡብ ኮሪያው የኤሌክትሮኒክስ አምራች ሳምሰነግ ሁለት አዳዲስ ስማርት ስልኮችን እየሰራ መሆኑ ተገለፀ።

ኩባንያው በቅርቡ አንድ ታጣፊ ጋላክሲ ስማርት ስልክ ለገበያ ማቅረቡ የሚታወስ ሲሆን፥ አሁን እየሰራቸው ያሉት ሁለቱ ታጣፊ ስማርት ስልኮች ኩባንያው ያመረታቸውን ታጣፊ ስማርት ስልኮች አይነት ወደ ሶስት ከፍ ያደርገዋል ነው የተባለው።

ታጣፊ ስማርት ስልኮቹ የሚታጠፉበትና የሚዘረጉበት አቅጣጫ ይለያያል የተባለ ሲሆን፥ አንደኛው ስማርት ስልክ ወደ ላይ እና ወደ ታች የሚታጠፍና የሚዘረጋ ነው።

ሳምሰንግ እየሰራ ያለው ሁለተኛው አይነት ስማርት ስልክ ደግሞ ወደጎን የሚታጠፍና የሚዘረጋ መሆኑም ተነግሯል።

ወደ ላይ እና ወደ ታች የሚታጠፍና የሚዘረጋው ስማርት ስልክም በያዝነው የፈረንጆቹ 2019 ማገባደጃ ላይ አሊያም በቀጣዩ 2020 መጀመሪያ ላይ ለገበያ ሊቀርብ ይችላል ተብሏል።

ምንጭ፦ www.cnet.com

You might also like
Comments
Loading...