Fana: At a Speed of Life!

ምክትል ጠቅላይ ሚኒስትር አቶ ደመቀ በካራማራ ጦርነት የተሳተፉ የቀድሞ የሰራዊት ተወካይ አባላትን አነጋገሩ

አዲስ አበባ፣ መጋቢት 6፣ 2011 (ኤፍ.ቢ.ሲ) ምክትል ጠቅላይ ሚኒስትር አቶ ደመቀ መኮንን በካራማራ ጦርነት የተሳተፉ የቀድሞ የሰራዊት ተወካይ አባላትን በጽህፈት ቤታቸው ተቀብለው አነጋገሩ።

የሰራዊት አባላቱ የካራማራ ድል(ዳግማዊ አድዋ ድል) መንግስት ተገቢውን የታሪክ ትኩረት እና ክብደት እንዲሰጠው ጠይቀዋል።

በውይይታቸው ላይ የሃገርን ታሪክ አጥርቶ ለትውልድ ለማስጨበጥ እና ጠቃሚ ትምህርት ለመውሰድ ቅብብሎሹ በይዘቱ የተሟላ መሆን እንደሚገባው ምክትል ጠቅላይ ሚኒስትር አቶ ደመቀ ተናግረዋል።

እንደ ምክትል ጠቅላይ ሚኒስትር አቶ ደመቀ ገለፃ ለካራማራ ድል መንግስት ተገቢውን የታሪክ ትኩረት እና ክብደት ይሰጠው የሚለውን ጥያቄ ተገቢነት እንዳለው አውስተዋል።

በመጨረሻም በዕድሜ ዘመን ያካበቱትን የሃገርን ክብርና አንድነት የማስቀደም ብልሃት ለትውልዱ ልምዳቸውን እንዲያካፍሉ ምክትል ጠቅላይ ሚኒስትር አቶ ደመቀ ለቀደምት የጦር ጀግኖች ጥሪ አቅርበዋል።

በውይይቱ ላይ በወቅቱ በተለያዩ ወታደራዊ ሀላፊነቶች ላይ የነበሩ ሜጀር ጀኔራል መርዳሳ ሌሊሳ፣ ብርጋዴር ጄኔራል መስፍን ኃይሌ፣ ብርጋዴር ጀኔራል ካሳዬ ጨመዳ፣ ብርጋዴር ጄኔራል ዋሲሁን ንጋቱ  እና ሻለቃ ሽፈራው ወንድማገኝ መሳተፋቸውን ከምክትል ጠቅላይ ሚኒስትር ፅህፈት ቤት ያገኘነው መረጃ ይጠቁማል።

 

You might also like
Comments
Loading...