Fana: At a Speed of Life!

መሽሩም አዘውትሮ መመገብ የማስታወስ ችሎታን ይጨምራል-ጥናት

አዲስ አበባ፣መጋቢት 6፣2011 (ኤፍ.ቢ.ሲ) መሽሩም ወይም እንጉዳይ አዘውትሮ መመገብ የአዕምሮን የማስታወስ ችሎታ የሚጨምር መሆኑን አንድ ጥናት አመለከተ።

መሽሩም አዘውትሮ መመገብ አዕማሯችን የሚያጋጥመውን የመርሳት ችግር ለማሻሻል የሚረዳ መሆኑን በሲንጋፖር ዩኒቨርሲቲ የተካሄደ አንድ ጥናት አመላክቷል ።

እንደ ጥናቱ ከሆነ መሽሩም ወይም እንጉዳይ በውስጥ አንቲኦክሲዴንት የተሰኘ  ጠቃሚ ንጥረ ነገር በውስጡ ይዟል።

ይህም የሰዎችን አዕምሮ የማገናዘብ፣ የመመራመርና የማስታወስ ችሎታ የሚጨምር መሆኑ ነው የተገለፀው።

ከዚህ ባለፈም ዕድሜያቸው ከ60 ዓመት በላይ በሆኑ ሰዎች ላይ የሚያጋጥምን የቋንቋ ችሎታ መቀነስ ለማስታካከል ይረዳል ተብሏል።

በተጨማሪም መሽሩም  በውስጡ ቫይታሚን ዲ፣ሰሊኒየም እና ስፔርሚዲየን የተሰኙ  ንጥረ ነገሮችን በውስጡ ያካተተ ሲሆን ፥ይህም በአዕምሮ ውስጥ የሚገኙ  ነርቮች ላይ የሚከሰትን ጉዳት ለመከላከል ያስችላል ነው የተባለው ።

ስለሆነም  እንጉዳይ ከተሰኘው ፈንገስ የሚዘጋጀውን መሽሩም በሳምት ቢያንስ ሁለቴ መመገብ የአዕምሯችን ጤና ለመጠበቅ አይነተኛ መፍትሄ መሆኑ በጥናቱ ተመላክቷል።

ይሁን እንጅ  ፈንገስ  ከሰው ልጆች አዕምሮ ዕለታዊ እንስቃሴ እና ተግባር  ጋር  ምን አይነት  ግንኙነት  እንዳለው በጥናቱ አልተጠቀሰም ።

ምንጭ ፦ቢቢሲ

You might also like
Comments
Loading...