Fana: At a Speed of Life!

ለጉብኝት አዲስ አበባ የገቡት የዴንማርክ ልዕልት ከአትሌት ደራርቱ ቱሉ ጋር በመስቀል አደባባይ የሩጫ ልምምድ ሰርተዋል

አዲስ አበባ፣ መጋቢት 17፣ 2011 (ኤፍ.ቢ.ሲ) ለጉብኝት አዲስ አበባ የገቡት የዴንማርክ ልዕልት ሜሪ ኤልዛቤት ዛሬ ማለዳ ላይ ከአትሌት ደራርቱ ቱሉ ጋር በመስቀል አደባባይ የሩጫ ልምምድ ሰርተዋል።

የዴንማርክ ልዕልት ሜሪ ኤልዛቤት በኢትዮጵያ ይፋዊ የስራ ጉብኝት ለማድረግ በትናንትናው እለት ምሽት ላይ ነው አዲስ አበባ የገቡት።

ልእልቷ በኢትይዮጵያ የሚያደርጉትን ጉብኝትም ዛሬ ማለዳ ላይ ከአትሌት ደራርቱ ቱሉ ጋር በመስቀል አደባባይ ስፖርታዊ ልምምድ በማድረግ ጀምረዋል።

የዴንማርክ ልዕልት በዚህ የስራ ጉብኝታቸው ከኢፌዴሪ ፕሬዚዳንት ሳህለወርቅ ዘውዴና ከጠቅላይ ሚኒስትር ዶክተር አብይ አህመድ ጋር ተገናኝተው እንደሚወያዩ ይጠበቃል።

ውይይታቸውንም የኢትዮጵያና የዴንማርክ የሁለትዮሽ ግንኙነት በሚያጠናክሩ ጉዳዮች ላይ ያደረጋሉ ተብሎ ይጠበቃል።

ከዴንማርክ ልዕልት ሜሪ ኤልዛቤት ጋርም የሀገሪቱ የልማት ትብብር ሚኒስትር ኡላ ቶራኔስም ወደ አዲስ አበባ መጥተዋል።

You might also like
Comments
Loading...