Fana: At a Speed of Life!

ህንድ በአለም ላይ በዝቅተኛ ዋጋ የሞባይል ዳታ አገልግሎት አቅራቢ በመሆን ቀዳሚ ሆነች

አዲስ አበባ ፣ የካቲት 26፣ 2011 (ኤፍ.ቢ.ሲ) ህንድ በአለም ላይ በዝቅተኛ ዋጋ ሞባይል ዳታ አገልግሎት በማቅረብ  ቀደሚ ሀገር ሆነች፡፡

ፕራይስ ኮምፓሪዝን ኬብል ሲኦ ዩኬ የተባላው ድረ ገፅ ይፋ ባደረገው ጥናት ህንድ አንድ ጊጋ ባይት የሞባይል ዳታ አገልግሎት በ0 ነጥብ 26 የአሜሪካ ዶላር ለደንበኞቿ ስታቀርብ ብሪታኒያ ለተማሳሳይ አገልግሎት 6 ነጥብ 66 ዶላር እንደምትጠይቅ ይፋ አድረጓል፡፡

በዚሁ ጥናት መሰረት ህንድ 0 ነጥብ 26፣ ክይርጅይስታን 0 ነጥብ 27፣ ካዛኪስታን 0 ነጥብ 49፣ ዩክሬን 0 ነጥብ 51 እና ሩዋንዳ 0 ነጥብ 56 ዶላር በጊጋ ባይት የሚጠየቅባቸው የመጀመሪያቹ ሀጋርት ተርታ ተመድበዋል፡፡

በ230 ሀገራት ላይ በተሰራው በዚህ ጥናት ብሪታኒያ 136ኛ ደረጃ ላይ መቀመተጧን ያመላከተው ጥናቱ የዓለም አቀፉ የአንድ ጊጋ ባይት የሞባይል ዳታ አማካይ ዋጋ 8 ነጥብ 53 ዶላር መሆኑን አመላክቷል፡፡

ብሪታኒያ ለዚህ አገልግሎት የምትጠይቀው ክፍያ የዘርፉን አገልግሎት በውድ ዋጋ ለደንበኞቹ ከሚያቀርቡ ሀገራት ጎራ ሊያስመድባት እንደሚችልም ነው ተገለጸው፡፡

ዚምባብዌ 75 ነጥብ 20፣ ኢኳቶሪያል ጊኒ 65 ነጥብ 83 ፣ ሰይንት ሄሌና 55 ነጥብ 47 ፣ ፋልክላንድ ደሴት 47 ነጥብ 39 እና ጅቡቲ 37 ነጥብ 92 የአሜሪካ ዶላር ክፍያ በጊጋ ባይት የሚጠየቅባቸውና ከፍተኛ ዋጋ የሚስከፍሉ  ሀገራት ናቸው ተብሏል፡፡

ምንጭ፡- ቢ ቢ ሲ

You might also like
Comments
Loading...