Fana: At a Speed of Life!

በ91ኛው የኦስካር ሽልማት በምርጥ ፊልም ዘርፍ ግሪን ቡክ አሸነፈ

አዲስ አበባ፣ የካቲት 18፣ 2011 (ኤፍ.ቢ.ሲ) ለ91ኛ ጊዜ በተካሄደው የኦስካር ሽልማት ከ30 ዓመታት በኋላ ያለ መድረክ መሪ ቀርቧል።

ይህንንም ተከትሎ ዝግጅቱ የተጀመረው በሙዚቃ ስነ ስርዓት መሆኑ ተነግሯል።

በሽልማት ስነስርዓቱ ላይ በምርጥ ፊልም ዘርፍ ግሪን ቡክ ሮማን፣ ኤ ስታር ኢዝ ቦርን ቦሂሚይን ራፕሰዲይን በማሸነፍ ሽልማቱን ወስዷል።

ግሪን ቡክ መቼቱን 1960ዎቹ በማድረግ አንድ ጥቁር የሙዚቃ ባለሙያ አንድ ነጭ አሽከርካሪ በመቅጠር በተለያዩ ግዛቶች ዝግጅቱን ሲያቀርብ የሚያሳይ ፊልም ነው።

በርግጥ አንዳንዶች በምርጥ ፊልም ዘርፍ ግሪን ቡክ ሽልማቱን መውሰዱ ያልተጠበቀ ነው እያሉም ይገኛሉ።

በአልፎንሶ ኮራኖስ በቤት ሰራተኞች ላይ ትኩረቱን አድርጎ የተሰራው ሮማ የተሰኘው ፊልም ከአሜሪካ ውጭ በተሰሩ የውጭ ሀገራት ፊልሞች ዘርፍ አሸንፏል።

በምርጥ አልባሳት ዘርፍና በፊልም ዝግጅት ዲዛይን ለመጀመሪያ ጊዜ ወደ አፍሪካ አሜሪካውያኑ አቅንቷል።

በዚህም በብላክ ፓንተር ሩት ካርተር በምርጥ አልባሳት ዘርፍ አሸንፋለች፤ እንዲሁም ሃናህ ቤክለር በፊልም ዝግጅት ዲዛይን ሽልማቷን ወስዳለች።

በአልፎንሶ ኩራኖ በሮማ ፊልም በሁለት ዘርፎች ማለትም በዳይሬክቲንግና በሲኒማቶግራፊ ዘርፍ ሽልማቱን ወስዷል።

በምርጥ ተወናይ ዘርፍ በወንዶች በቦሂሚይን ራፕሰዲይ ራሚ ማሊክ ሲያሸንፍ፥ በሴቶች ኦሊቪያ ኮልማን በዘ ፌቨራይት አሸንፋለች።

እንዲሁም በሜክአፕና በሄር ስታይል ቫይስ የተሰኘው ፊልም፣ በድምጽ ኢዲቲንግ እና ሚክሲንግ ዘርፎች ቦሂማያን ራፕሶድይ።

በመጨረሻም የምሽቱ ድምቀት የነበሩት ብራድሊይ ኩፐርና ሌዲ ጋጋ በምሽቱ በምርጥ ኦሪጅናል ዘፈን ዘርፍ ያሸነፈው ዘፈናቸውን መሳጭ በሆነ ሁኔታ ማቅረባቸው ተነግሯል።

በ91ኛው የኦስካር ሽልማት የተለዩዩ ፊልሞች በተለያዩ ዘርፎች ሽልማቶቻቸውን ወስደዋል።

በጥቅሉ በስነስርዓቱ ላይ ግሪን ቡክ፣ ሮማና ብላክ ፓንተር እያንዳንዳቸው በሦስት ዘርፎች ሲያሸንፉ፥ ቦሂሚይን ራፕሰዲይ በአራት ዘርፎች ሽልማቶቻቸውን ወስደዋል።

 

ምንጭ፦ሲኤንቢሲ

በአብርሃም ፈቀደ

You might also like
Comments
Loading...