Fana: At a Speed of Life!

36ኛው የጃንሜዳ ሀገር አቋራጭ ሻምፒዮና በመጪው እሁድ ይካሄዳል

አዲስ አበባ፣ ጥር 29፣ 2011 (ኤፍ.ቢ.ሲ) 36ኛው የጃንሜዳ ሀገር አቋራጭ ሻምፒዮና በመጪው እሁድ እንደሚካሄድ የኢትዮጵያ አትሌቲክስ ፌዴሬሽን አስታወቀ፡፡

ፌዴሬሽኑ የካቲት 3 ቀን 2011 ዓ.ም ለሚካሄደውን ሀገር አቋራጭ ውድድር ዝግጅት መደረጉን በዛሬው ዕለት በሰጠው መግለጫ አመላክቷል፡፡

ሻምፒዮናው ኢትዮጵያን በ43ኛው የአለም ሀገር አቋራጭ ሻምፒዮና ላይ የሚወክሉ ውጤታማ አትሌቶች የሚመርጥበት እንደሆነ ተነግሯል፡፡

በዚህ መሰረትም በወጣቶች ከአንድ እስከ ስድስተኛ የሚወጡት በቀጥታ በዴንማርክ በሚካሄደው የአለም ሀገር አቋራጭ ሻምፒዮና የሚመረጡ  መሆኑ ተገልጿል።

በአዋቂዎች ደግሞ ከአንድ እስከ አምስት  ያሉት በቀጥታ ያልፉና ስድስተኛ የሚወጡ አትሌቶች  በሚያስመዘግቡት ሰዓት የሚካተቱ ይሆናል ነው የተባለው።

 

You might also like
Comments
Loading...