Fana: At a Speed of Life!

ፕሬዚዳንት ሳህለወርቅ በቅዱስ ጳውሎስ ሆስፒታል የፈርቲሊቲና የስነ-ተዋልዶ ህክምና ማዕከል መርቀው ከፈቱ

አዲስ አበባ፣ የካቲት 3፣ 2011 (ኤፍ.ቢ.ሲ)ኢፌዴሪ ፕሬዚዳንት ሳህለወርቅ ዘውዴ በቅዱስ ጳውሎስ ሆስፒታል ሚሊኒየም ሜዲካል ኮሌጅ ስር የፈርቲሊቲና የስነ-ተዋልዶ ህክምና ማዕከል መረቁ፡፡

ተቋሙ ልጅ ወልደው መሳም ያልቻሉ ወገኖችን ችግር ፈትቶ ሲያስደስት ማየት እንደሚፈልጉ ነው ፕሬዚደንት ሳህለወርቅ የተናገሩት፡፡

ተቋሙ ሲጠናከር በሀገሪቱ ብቻ ሳይወሰን ከውጭ ሀገራት የሚመጡ ታካሚዎችንም ጭመር ያገለግላል ብለው እንደሚያመኑ ጠቁመዋል፡፡

መንግስት የጤናውን ዘርፍ ህብረተሰባዊ ተደራሽነት ለማስፋት ከፍተኛ ጥረት በማድረግ ላይ መሆኑን የገለፁት ፕሬዚዳኗ ለዚህም በቅዱስ ጳውሎስ ሚሊኒየም ኮሌጅ ስር የፈርቲሊቲና የስነ-ተዋልዶ ጤና ተቋም መሰራቱ አንድ ማሳያ መሆኑን ጠቁመዋል፡፡

ለዚህ ተቋም መመስረት አስተዎፅዖ ላደረጉ የሆስፒታሉ አመራሮችና ሰራተኞች እና  ለባለድርሻ አካላት የጤና ጥበቃ ሚኒስትር ዶክተር አሚር አማን ምስጋና አቅርበዋል፡፡

 

You might also like
Comments
Loading...