Fana: At a Speed of Life!

ፓኪስታን በቁጥጥር ስራ ያዋለችውን የህንድ ጦር አውሮፕላን አብራሪ ልትለቅ ነው

አዲስ አበባ፣የካቲት 21፣2011 (ኤፍ.ቢ.ሲ) ፓኪስታን በቁጥጥር ስራ ያዋለችውን የህንድ ተዋጊ ጦር አውሮፕላን አብራሪ ልትለቅ ነው ።

ፓኪስታን በትናንትናው ዕለት የአየር ክልሏን በመጣስ ጥቃት የፈፀሙ ሁለት የህንድ አውሮፕላኖችን መታ በመጣል አንድ ተዋጊ የጦር አውሮፕላን አብራሪን በቁጥጥር ስር መዋሏ ይታወቃል ።

በድርጊቱ የተቆጣቸው ህንድም ፓኪስታን የያዘችባትን ተዋጊ የጦር አውሮፕላን አብራሪ  በአስቸኳይ እንድትለቅ ስትማፀን ቆይታለች።

ይህን ተከትሎም  ፓኪስታን የያዘችውን የተዋጊ ጦር አውሮፕላን አብራሪን በነገው ዕለት የምትለቅ መሆኑን አስታውቃለች።

ጠቅላይ ሚኒስትር ኢምራን ካህን ጉዳዩን አስመልክቶ በሀገሪቱ የቴለቪዥን ጣቢያ ባስተላለፉት መልዕክት ከህንድ ጋር የተፈጠረውን ችግር በሰላም ለመፍታት ሲባል  አብራሪው በነገው ዕለት ወደ ሀገሩ የሚመለስ መሆኑን ተናግረዋል ።

አብራሪውን በቁጥጥር ስር ከዋለ በኋላ አይኑ በጨርቅ ተሸፍኖና ፊቱ ላይ ደም ሲፈስ የሚያሳይ ቪዲዮ በፓኪስታን የማስታወቂያ ሚኒስቴር ማህበራዊ ሚዲያ ላይ ተለቋል ።

በዚህም ፓኪስታን በቁጥጥር ስር ያዋለቸውን የተዋጊ ጦር  አውሮፕላኑ አብራሪ የያዘችበት ሁኔታ በህንድ ዜጎች ዘንድ ቁጣን መቀስቀሱ ነው የተገለፀው።

በቅርቡ በህንድ ክልል ውስጥ በምትገኘው የካሽሚር ግዛት አካባቢ 44 የህንድ ወታደሮች በታጣቂዎች መገደልን ተከትሎ ሁለቱ ሀገራት ፍጥጫ ውስጥ ገብተዋል።

በዚህ ድርጊት የተቆጣችው ህንድም በአካባቢው የአሸባሪዎች ማሰልጠኛ ካምፕ ላይ በፈፀመቸው የአየር ላይ ጥቃት 300 የሚሆኑ ታጣቂዎች መግደሏን አስታውቃለች ።

ፓኪስትን በበኩሏ ህንድ በፈፀመቸው የአየር ላይ ጥቃት ምንም አይነት ጉዳት አለመድረሱን  መግለጿ ይታወሳል ።

 

ምንጭ ፦ሲ ኤን ኤን 

You might also like
Comments
Loading...