Fana: At a Speed of Life!

የግብፁ ፕሬዚዳንት አል ሲሲ የወቅቱ የአፍሪካ ህብረት ሊቀመንበር ሆነው ተመረጡ

አዲስ አበባ፣ የካቲት 3፣ 2011 (ኤፍ.ቢ.ሲ)የግብፁ ፕሬዚዳንት አል ሲሲየወቅቱ የአፍሪካ ህብረት ሊቀመንበር ሆነው ተመረጡ፡፡
 
ላለፉት ሁለት አመታት የአፍሪካ ህብረትን በሊቀመንበርነት ሲመሩ የነበሩት ፕሬዚዳንት ፓል ካጋሜ ሊቀመንበርነታቸውን አስረክበዋል፡፡
 
አል ሲሲ የአፍሪካ ህብረት ሊቀመንበር በመሆን እስከ ፈረንጆቹ 2020 ይቆያሉ ተብሏል፡፡
 
ፓል ካጋሜ ባደረጉት ንግግር ለአፍሪካ ሀገራት መንግስታት፣ ተቋማት እና ሌሎች አካላት በቆይታቸው ሲያደርጉላቸው ነበረው ድጋፍ ምስጋና አቅርበዋል፡፡

አዲስ  የወቅቱ ሊቀመንበር አል ሲሲ በበኩላቸው በአፍሪካ የድርድር እና የመከላከል ዲፕሎማሲ ሰላምንና ደህንነትን ለማረጋገጥ ዋነኛ መንገድ ሆነው እንደሚቀጥሉ ገልፀዋል፡፡

ፕሬዚዳንቱ ለአፍሪካውያን ካሰር የሆነው እና የነገ ተስፋቸውን እያጨለመ የሚገኘውን ሽብርተኝነትን መከላከል በትኩረት ሊሰራ እንደሚገባ ነው የተናገሩት፡፡

እንዲሁም በአለም ላይ እየተያ ያለው  የአየር ለውጥ ዋነኛ ባለድርሳች ያደጉት ሀገራት በመሆናቸው በአካባቢ ጥበቃ የድርሻቸውን ሊወጡ እንደሚገባ አሳስበዋል፡፡

You might also like
Comments
Loading...