Fana: At a Speed of Life!

ፌስቡክ በስህተት የላክነውን መልእክት በ10 ደቂቃ ውስጥ ለማጥፋት የሚያስችል አገልግሎት ይፋ አደረገ

አዲስ አበባ፣ ጥር 29፣ 2011 (ኤፍ.ቢ.ሲ) ፌስቡክ በስህተት የላክነውን መልዕክት በ10 ደቂቃ ውስጥ ለማጥፋት የሚያስችል አገልግሎት ይፋ ማድረጉ ተነግሯል።

ከትናንትናው ዕለት ጀምሮ ሁሉም የፌስቡክ ሜሴንጀር ተጠቃሚዎች “Remove For Everyone” የሚል አማራጭ ያገኛሉ የተባለ ሲሆን፥ ይህም አንዴ የላክነውን መልዕክት መልሶ ለማጥፋት የሚያስችል መሆኑ ተገልጿል።

የመልዕክት ማጥፊያ አማራጩን በመጠቀምም ለግለሰብ አሊያም ለቡድን ቻት የላክናቸውን መልዕክቶች ማጥፋት እንችላለን ተብሏል።

አንድ ጊዜ የተላከን መልዕክት መልሶ ለማጥፋትም 10 ደቂቃ የተሰጠ ሲሆን፥ ከዚያ ካለፈ ግን ማጥፋት እንደማይቻል ተነግሯል።

በጠፋው መልዕክት ስፍራም ለላክንለት ሰው መልዕክቱን ማጥፋታችንን የሚያሳይ መልዕክት ይደርሰዋልም ነው ያለው ኩባንያው።

እንደ ፌስቡክ ገለጻ አዲሱ አገልግሎት በተለይም ከዚህ ቀደም ሰዎች በስህተት የላኩትን መልዕከት ለማጥፋት የሚያጋጥማቸውን ችግር የሚቀርፍ ነው።

ፌስቡክ አዲሱን አገልግሎት ካሳለፍነው ጥቅምት ወር ጀምሮ ሙከራ ሲያደርግበት ነበር የተባለ ሲሆን፥ በአሁኑ ጊዜም በፖላንድ፣ ቦሎቪያ፣ ኮሎምቢያ እና ሊቲኒያን ጨምሮ በበርካታ ሀገራት ጥቅም ላይ መዋል ጀምሯል።

 

ምንጭ፦ www.cnet.com

You might also like
Comments
Loading...