Fana: At a Speed of Life!

 ፊፋ ታንዛኒያዊው የእግር ኳስ ዳኛ ጨዋታ እንዳይዳኙ አገደች

አዲስ አበባየካቲት 21፣2011 (ኤፍ.ቢ.ሲ)  ፊፋ ታንዛኒያዊውን የእግር ኳስ ዳኛ ለህይወት ዘመን የትኛውንም የእግር ኳስ ጨዋታ እንዳይዳኝ ማገዱን አስታወቀ።

የዓለም አቀፉ የእግር ኳስ አስተዳዳሪ ተቋም  ፊፋ ኦደን ቻርለስ ምባጋ የተባለው ታንዛኒያዊ  ዋና የእግር ኳስ ዳኛን  በህይወት ዘመን ከእግር ኳስ ጨዋታ ማገዱን አስታውቋል።

ፊፋ ዳኛው ላይ ዕገዳ ያስተላለፈውም ጉቦ በመቀበል ወንጀል ጥፋተኛ ሆኑ በመገኘቱ ነው ተብሏል።

ከታንዛንያ ዋና ዳኞች አንዱ የሆነው ኦዴን ቻርለስ ምባጋ ጉዳያቸው ከፈረንጆቹ ሀምሌ 2018 ጀምሮ በፊፋ የስነ ምግባር ኮሚቴ ሲታይ የቆየ ሲሆን የስነምግባር መመሪያዎችን ጥሰው መገኘታቸው ታውቋል።

በተደረገው ማጣራት ከፈረንጆቹ 2009-2012 ባሉት ዓመታት ሀገራዊና ዓለም አቀፋዊ ጨዋታዎች ላይ አድልኦ ለመፍጠር ዳኛው ጉቦ መቀበሉን ኮሚቴው ገልጿል።

ፊፋ ዳኛውን “ጉቦ በመቀበል መመሪያን ጥሷል” በሚል በእድሜ ልክ ከማንኛውም የእግር ኳስ ጨዋታዎች ተሳትፎ አግዶታል።

ከዚህ በተጨማሪም ዳኛው 200 ሺህ የአሜሪካ ዶላር የገንዘብ ቅጣት የተላለፈበት መሆኑ ነው የተገለፀው።

 

ምንጭ ፦ሲጂቲኤን

You might also like
Comments
Loading...