Fana: At a Speed of Life!

የፕሪምየር ሊጉ ተስተካካይ ጨዋታዎች የተከናወኑ ሲሆን፥ መሪው ቅዱስ ጊዮርጊስ ነጥብ ጥሏል

አዲስ አበባ፣ ጥር 29፣ 2011 (ኤፍ.ቢ.ሲ) የኢትዮጵያ ፕሪምየር ሊግ ተስተካካይ ጨዋታዎች በተለያዩ ከተሞች ተከናውነዋል።

በዛሬው ተስተካካይ ጨዋታ አዳማ፣ መቀሌና አዲስ አበባ ላይ ሦስት የፕሪምየር ሊጉ ጨዋታዎች ተካሂደዋል።

በዚህም አዳማ ላይ በአበበ ቢቂላ ስታዲየም ቅዱስ ጊዮርጊስን ያስተናገደው አዳማ ከተማ 0 ለ 0 በሆነ ውጤት ጨዋታውን አጠናቋል።

የሊጉ መሪ ቅዱስ ጊዮርጊስ ከአዳማ ከተማ ጋር ያደረገው ጨዋታ ከተከታዮቹ ጋር ያለውን ነጥብ ማስፋት የሚችልበት ዕድል ነበር።

በሊጉ የመጨረሻ ደረጃ ላይ የሚገኘው ደደቢት መቀሌ ላይ መከላከያን አስተናግዶ 3 ለ 0 በሆነ ውጤት ተሸንፏል።

ሦስተኛው የፕሪምየር ሊግ ተስተካካይ ጨዋታ በወላይታ ድቻና ሲዳማ ቡና መካከል ማምሻውን በአዲስ አበባ ስታዲየም ተካሂዷል።

በዚህ በሁለተኛ ሳምንት ተስተካካይ ጨዋታቸው ሲዳማ ቡና 2 ለ 1 በሆነ ውጤት ወላይታ ድቻን አሸንፏል።

 

በአብርሃም ፈቀደ

You might also like
Comments
Loading...