Fana: At a Speed of Life!

የጀርመን መንግስትና ዩኒሴፍ በሶማሌና በአፋር ክልል ለሚከናወኑ ተንቀሳቃሽ የህክምናና የምገባ ኘሮግራም 30 ተሽከርካሪዎችን ለገሱ

አዲስ አበባ፣ የካቲት 5፣ 2011 (ኤፍ.ቢ.ሲ) የጀርመን ፌዴራል ሪፐብሊክ መንግስት እና የተባበሩት መንግስታት የትምህርት መርጃ ተቋም /ዩኒሴፍ/ 30 ዘመናዊ ተሽከርካሪዎችን በሶማሌና በአፋር ክልል ለሚከናወኑ ተንቀሳቃሽ የህክምናና የምገባ ኘሮግራም አገልግሎት እንዲውሉ ለገሱ።

ከተሽከርካሪዎቹ ውስጥም 19 ተሽከርካሪዎችን የሶማሌ ክልል የሚረከብ ሲሆን ፥ቀሪዎቹ 11 ደግሞ ለአፋር ክልል የሚረከቡ መሆናቸውም ተገልጿል።

የጤና ሚኒስትር ዴኤታ ወይዘሮ ሳህረላ አብዱላሂ በተሽከርካሪዎቹ የርክክብ ስነ ስርዓት ወቅት እንደተናገሩት፥  ኢትዮጵያ በጤናው ዘርፍ ለምታከናውናቸው ተግባራት የጀርመን መንግስትና ዩኒሴፍ ያደረጉት ድጋፍ ትልቅ አቅም እንደሚፈጥር ገልፀዋል።

የጀርመን ፌዴራል ሪፐብሊክ መንግስት እና የተባበሩት መንግስታት የትምህርት መርጃ ተቋም /ዩኒሴፍ/ ላደረጉት ድጋፍም ምስጋና አቅርበዋል።

የሶማሌ እና የአፋር ክልሎች የጤና ቢሮ ኃላፊዎች የተሽከርካሪዎቹን ቁልፎች ሲረከቡ፥ ሀርድ ቶኘ የተሰኙት ዘመናዊና ተሽከርካሪዎቹ በሁለቱ ክልሎች በተለይ ፈጥኖ ለመድረስ አስቸጋሪ በሆኑ ስርቻ ቦታዎች አገልግሎቱን ለሚሹ አካላት ፈጥነው ለመድረስ ያስችላሉ ብለዋል።

ከዚህ በተጨማሪም በስራው የተሰማሩ የቡድን አባላትን በማጓጓዝ ረገድ ትርጉም ያለው ሚና ይኖራቸዋል ማለታቸውን ከጤና ሚኒስቴር ያገኘነው መረጃ ያመለክታል።

You might also like
Comments
Loading...