Fana: At a Speed of Life!

የእርቀ ሰላም ኮሚሽን ተልዕኮ ስኬት መንግሥት ድጋፍ ያደርጋል- ም/ጠ/ሚኒስትር አቶ ደመቀ መኮንን

አዲስ አበባ፣ የካቲት 5፣ 2011 (ኤፍ.ቢ.ሲ) የእርቀ ሰላም ኮሚሽን ተልዕኮ ስኬት መንግስት ድጋፍ እንደሚያደርግ ምክትል ጠቅላይ ሚኒስትር አቶ ደመቀ መኮንን ገለፀዋል።

ምክትል ጠቅላይ ሚኒስትር አቶ ደመቀ መኮንን በቅርቡ በህዝብ ተዎካዮች ምክር ቤት የተሰየሙት የብሄራዊ እርቀ ሰላም ኮሚሽን አባላት ትውውቅ አድርገዋል።

በትውውቁ ወቅትም ምክትል ጠቅላይ ሚኒስትር አቶ ደመቀ መኮንን፥ መንግስት ለኮሚሽኑ ስራ ስኬት አስፈላጉውን ድጋፍ ሁሉ እንደሚያደርግ መግለፃቸውን ከምክትል ጠቅላይ ሚኒስትር ጽህፈት ቤት ያገኘነው መረጃ ያመለክታል።

የብሄራዊ እርቀ ሰላም ኮሚሽን በኢትዮጵያ ለበርካታ ዓመታት በተለያዩ ማህበራዊ እና ፖለቲካዊ ግጭቶች ምከንያት በህዝቦች መካከል የተደራረቡ የቁርሾ ስሜቶችን ለማከም፤ እውነት እና ፍትህ ላይ መሰረት ያደረገ እርቅን ለማውረድ እንዲያግዝ ነው የተቋቋመው።

የኢፌዴሪ የህዝብ ተወካዮች ምክር ቤት ባሳለፍነው ሳምንት ባካሄደው መደበኛ ስብሰባ ለብሔራዊ እርቀ ሰላም ኮሚሽን 41 አባላትን መሾሙም ይታወሳል።

የኮሚሽኑ አባላትም ከሀይማኖት ተቋማት፣ ከፖለቲከኞች፣ ከምሁራን፣ ከሀገር ሽማግሌዎች፣ ከአባ ገዳዎች፣ ከታዋቂ ሰዎች እና ከኪነ ጥበብ ባለሙያዎች የተውጣጡ ናቸው።

You might also like
Comments
Loading...