Fana: At a Speed of Life!

የኢኖቬሽንና ቴክኖሎጂ ሚኒስቴር የተቀናጀ የህክምና ስርዓት ለመዘርጋት ድጋፍ ጠየቀ

አዲስ አበባ፣ የካቲት 4፣ 2011 (ኤፍ.ቢ.ሲ) የኢኖቬሽንና ቴክኖሎጂ ሚኒስቴር የተቀናጀ የህክምና አስተዳደር ስርዓትን በሁሉም ሆስፒታሎች ለመዘርጋት የሚችጋን ዩኒቨርሲቲን ድጋፍ ጠየቀ።

ሚኒስቴሩ ከዚህ ቀደም የተቀናጀ የህክምና አስተዳደር ስርዓትን በጥቁር አንበሳ ሆስፒታል ዘርግቶ አገልግሎት እየሰጠ ይገኛል።

ሆኖም ሚኒስቴሩ ስርዓቱን ወደ ሌሎች ሆስፒታሎች በመዘርጋት ለህሙማን ዘመናዊና የተቀላጠፈ አገልግሎት ለመስጠት በማሰቡ ዩኒቨርሲቲውን ድጋፍ እንዲያደርግለት ጠይቋል።

ሚኒስትሩ ዶክተር ጌታሁን መኩሪያ በጉዳዩ ዙሪያ ከሚችጋን ዩኒቨርሲቲ ፕሮፌሰር ሰናይት ፍሰሃ ጋር በጉዳዩ ዙሪያ መክረዋል።

በጤናው ዘርፍ የተለያዩ ስራዎችን እየሰሩ ያሉት ፕሮፌሰሯ በኢትዮጵያ በቴክኖሎጂ የተደገፈ የጤና አገልግሎት ለዘመርጋት ከሰው ኃይል አቅም ግንባታ ጀምሮ አስፈላጊውን ድጋፍ እንደሚያደርጉ አረጋግጠዋል።

በጥቁር አንበሳ ሆስፒታል የተዘረጋው የተቀናጀ የህክምና አስተዳደር በኢትዮጵያውያን ወጣቶች እንደበለፀገ የገለፁት ሚኒስትሩ ለሀገር ውስጥ የቴክኖሎጂ ፈጠራዎች ትኩረት ሰጥተው እንደሚሰሩም ተናግረዋል።

You might also like
Comments
Loading...