Fana: At a Speed of Life!

የኢትዮ ኬንያ 32ኛ የጋራ የድንበር አስተዳዳሪዎች እና ኮሚሽነሮች ስብሰባ ተጀመረ

አዲስ አበባ ፣ የካቲት 5 ፣ 2011 (ኤፍ ቢ ሲ) የኢትዮጵያና ኬንያ 32ኛ የጋራ የድንበር አስተዳዳሪዎች እና ኮሚሽነሮች ስብሳባ በአዳማ ከተማ ተጀምሯል።

ስብሰባው ከዛሬ ጀምሮ እስከ የካቲት 7 ቀን 2011 ዓ.ም የሚካሄድ ሲሆን፥ በዋናነት በሃገራቱ የድንበር አካባቢ የጋራ ሰላምና ጸጥታ እንዲሁም በህገ-ወጥ የሰዎችና የጦር መሳሪያ ዝውውር ቁጥጥር ላይ ይመክራል።

የሃገራቱን ድንበር ተጋሪ ማህበረሰቦች ተጠቃሚ በሚያደርጉ በጠረፍ ንግድ፣ ትምህርት እና በጤና ጉዳዮች ላይም ትኩረት አድርጎ ይመክራል።

ከዚህ ባለፈም በተለይ በድንበር አካባቢ የሚስተዋሉ የጸጥታ እና የሰላም ችግሮችን በመፍታት፥ የሃገራቱን የድንበር አካባቢ ህዝቦች ተጠቃሚ የሚያደርጉ የመሰረተ ልማት ስራዎች በሚስፋፉበት ሁኔታ ላይ አቅጣጫዎችን ያስቀምጣል ተብሎም ይጠበቃል።

በስብሰባው በ31ኛው የጋራ ስብሰባ ወቅት ሁለቱ ሃገራት በተስማሙባቸው ስምምነቶች አፈጻጸም ዙሪያ ግምገማና ውይይት ተደርጓል።

 

መረጃው የውጭ ጉዳይ ሚኒስቴር ቃል አቀባይ ፅህፈት ቤት ነው፤

You might also like
Comments
Loading...