Fana: At a Speed of Life!

ፕሬዚዳንት ሳህለወርቅ ከአውሮፓ ህብረት ኮሚሽን የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒ ጋር ተወያዩ

አዲስ አበባ፣ የካቲት 2፣ 2011 (ኤፍ.ቢ.ሲ) የኢፌዴሪ ፕሬዚዳንት ሳህለወርቅ ዘውዴ ከአውሮፓ ህብረት ኮሚሽን ምክትል ፕሬዚዳንትና የሕብረቱ የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒ ጋር ተወያይተዋል።

ፕሬዚዳንት ሳህለወርቅ በኢትዮጵያ ጉብኝት በማድረግ ላይ የሚገኙትን የአውሮፓ ህብረት ኮሚሽን ምክትል ፕሬዚዳንትና የሕብረቱ የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒን በዛሬው እለት ነው በብሄራዊ ቤተ መንግስት ተቀብለው ያነጋገሩት።

በውይይታቸውም የአውሮፓ ህብረት ኮሚሽን ምክትል ፕሬዚዳንትና የሕብረቱ የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒ፥ የአውሮፓ ህብረት በኢትዮጵያ እየተካሄደ ያለውን የኢኮኖሚ እና የፖለቲካ ለውጥ እንደሚደግፍ ገልፀዋል።

በተያያዘ ዜና የኢ.ፌ.ዲ.ሪ የውጭ ጉዳይ ሚኒስትር ዶክተር ወርቅነህ ገበየሁ ከአውሮፓ ህብረት ኮሚሽን ምክትል ፕሬዚዳንትና የሕብረቱ የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒ ጋር ተወያይተዋል።

የውጭ ጉዳይ ሚኒስትር ዶክተር ወርቅነህ የአውሮፓ ህብረት ኮሚሽን ምክትል ፕሬዚዳንትና የሕብረቱ የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒን በዛሬው ዕለት ነው በጽህፈት ቤታቸው ተቀብለው ማነጋገራቸውን የውጭ ጉዳይ ሚኒስቴር ቃል አቀባይ ጽህፈት ቤት አስታውቋል።

በውይይቱ ወቅትም ዶክተር ወርቅነህ፥ የኢትጵያ እና የአውሮፓ ህብረት ግንኙነት በጠንካራ መሰረተትላይ የተጣለ መሆኑን ገልጸዋል።

የአውሮፓ ህብረት ለኢትዮጵያ እያደረገ ያለውን ድጋፍ ያደነቁት ዶክተር ወርቅነህ፥ ግንኙነቱ ከዚህ በላይ ተጠናከሮ እንደሚቀጥል እምነታቸው መሆኑን ገልጸዋለ።

የአውሮፓ ህብረት ኮሚሽን ምክትል ፕሬዚዳንትና የሕብረቱ የውጭ ጉዳይና ደህንነት ፖሊሲ ሀላፊ ፌዴሪካ ሞግሄሪኒ በበኩላቸው፥ በኢትዮጵያ እየተካሄደ ያከውን ለውጥ አድንቀዋል።

ኢትዮጵያ በቀጠናው በሎም በዓለም ላይ ሰላም እንዲሰፍን ያላት አስተዋጸኦ ፍተኛ ነው መሆኑንም ገልፀዋል።

የአውሮፓ ህብረት በቀጠጫይም ከኢትዮጵያ ጋር ያለውን ትብብር አጠናከሮ እንደሚቀጥልም ነው የአውሮፓ ህብረት ኮሚሽን ምክትል ፕሬዝዳንት እና የውጭ ጸጥታ ፖሊሲ ጉዳዮች ተወካይ ከሆኑት ከፌደሪካ ሞግሀርኒ ያስታወቁት።

You might also like
Comments
Loading...