Fana: At a Speed of Life!

የአሜሪካና ቻይና የንግድ ውይይት በሚቀጥለው ሳምንት ይካሄዳል

አዲስ አበባ፣ የካቲት 4፣ 2011 (ኤፍ.ቢ.ሲ) የአሜሪካና ቻይና የንግድ ውይይት በሚቀጥለው ሳምንት ይካሄዳል።

በሁለቱ ሃያላን ሀገራት መካከል የሚደረገው የንግድ ውይይት በፊታችን የካቲት 14 እና 15 ቀን የሚካሄድ መሆኑን የኋይት ሀውስ ቤተ መንግስት ቃል አቀባይ አስታውቀዋል።

ውይይቱ አሜሪካና ቻይና ወደ ንግድ ጦርነት መግባታቸውን ተከትከሎ የሚደረግ የምክክር መድረክ መሆኑ ነው የተገለፀው።

ይህ ውይይትም ሁለቱ ሀገራት የገቡበትን የንግድ እሰጣ ገባ ለማርገብ የሚያስችል ነው ተብሏል።

በውይይቱ አሜሪካ ቻይና ያለአግባብ የአሜሪካ ምርቶችን አመሳስላ በመስራት በርካሽ ዋጋ የምታሰራጨውን ህገ ወጥ ድርጊት እንድታቆም ትጠይቀለች ተብሏል።

ከዚህ ባለፈም ሀገራቱ በመካከላቸው ያለውን የንግድ ልውውጥ የጋራ ተጠቃሚነትን በሚያስከበር መልኩ ማስኬድ በሚቻልባቸው መንገዶች ዙሪያ የሚወያዩ መሆኑ ተገልጿል።

በመድረኩ የሚሳተፉ የአሜሪካ ልዑክ ቡድን አባላትም በዛሬው ዕለት ቻይና ቤጂንግ ይገባሉ ተብሎ ይጠበቃል።

ምንጭ ፦ሲ.ጂ.ቲ.ኤን

You might also like
Comments
Loading...