Fana: At a Speed of Life!

የታይላንድ ልዕልት ለጠቅላይ ሚኒስትርነት ሊወዳደሩ ነው

አዲስ አበባ፣ የካቲት 1 2011(ኤፍ.ቢ.ሲ) የታይላንድ ንጉሳዊ ቤተሰብ የሆኑት ልዕልት ኡቦልራታና በሀገሪቱ በሚካሄደው የጠቅላይ ሚኒስትርነት ምርጫ ሊወዳደሩ መሆኑ ተገለፀ፡፡

የታይላንድ ንጉስ ማሃ ታላቅ እህት የሆኑት የ67 አመቷ ኡቦልራታና ለመጀመሪያ ጊዜ በሀገሪቱ ፓለቲካ ቀጥተኛ ተሳትፎ የሚያደርጉ የንጉሳዊ ቤተሰብ ይሆናሉ ተብሏል፡፡

ልዕልቷ  በቀድሞው  የሀገሪቱ ጠቅላይ ሚኒስትር ታሃክሱን ሺናዋንትራ የተመሰረተውን ታሂ ራክሳ ቻርት በመወከል ነው ለጠቅላይ ሚኒስትርነት የሚወዳደሩት ተብሏል።

ከልዕልቷ ባለፈ የሀገሪቱ መከላከያ ሚኒስትር ለጠቅላይ ሚኒስትርነት የምርጫ ውድድር በእጩነት የቀረቡ ሲሆን ዋነኛ ተፎካካሪ ይሆናሉ ተብሎም ይጠበቃል፡፡

ልዕልቷ በፈረንጆቹ 1972 ዓ.ም አሜሪካዊ በማግባታቸው ምክንያት የልዕልትነት ማዕረጋቸውን ተነጥቀው የነበረ ሲሆን፥ ከባለቤታቸው ጋር ፍቺ ከፈፀሙ በኋላ በ1990 ወደ ሀገራቸው መመለሳቸው ይነገራል።

እስካሁን ድረስ  ይፋዊ በሆነ መንገድ የልዕልትነት ማዕረጋቸው ባይመለስም በታይላንዳውያን የልዕልትነት ማዕረግ እንዳላቸው የንጉሳዊ ቤተሰብ እንደሚቆጠሩ ነው መረጃዎች የሚያመላክቱት፡፡

ምንጭ፡-አልጀዚራ

You might also like
Comments
Loading...