Fana: At a Speed of Life!

የቀድሞ ጠቅላይ ሚኒስትር አቶ ኃይለማርያም ደሳለኝ የናይጄሪያን ምርጫ ታዛቢ ቡድንን እንደሚመሩ ተገለፀ

አዲስ አበባ፣ የካቲት 2፣ 2011 (ኤፍ.ቢ.ሲ) የቀድሞ የኢፌዲሪ ጠቅላይ ሚኒስትር አቶ ኃይለማርያም ደሳለኝ የአፍሪካ ህብረት የናይጄሪያ ምርጫ ታዛቢ ቡድንን እንደሚመሩ ተገለፀ።

በአፍሪካ ህብረት የፖለቲካ ጉዳዮች ኮሚሽነር ሚናታ ሳማታ በአዲስ አበባ የአፍሪካ ህብረት ዋና ፅህፈት ቤት በሰጡት መግለጫ ነው የቀድሞ ጠቅላይ ሚኒስትር አቶ ኃይለማርያም ደሳለኝ የምርጫ ታዛቢ ቡድኑን እንደሚመሩ ያስታወቁት።

ኮሚሽነሯ በመግለጫቸው አክለውም፥ “በኢኮኖሚም ይሁን በህዝብ ብዛት ናይጄሪያ ለአፍሪካ በጣም አስፈላጊ ሀገር ነች፤ ከምርጫ ጋር ተያይዞ ምንም አይነት ግጭት በሀገሪቱ እንዲፈጠር አንፈልግም” ብለዋል።

ለዚህም የአፍሪካ ሀብረት እና ሁሉም ተባባሪ አካላት በናይጄሪያ ነፃ፣ ፍትሃዊ እና ዴሞክራሲያዊ ምርጫ እንዲካሄድ በቅርበት እንደሚሰሩ ገልፀዋል።

የናይጄሪያ አጠቃላይ ምርጫ የፊታችን የካቲት 9 እንደሚካሄድ የተገለፀ ሲሆን፥ በምርጫው ላይ ድምፅ ለመስጠትም 84 ሚሊየን ዜጎች መመዝገባቸውን የሀገሪቱ የምርጫ ኮሚሽን አስታውቋል።

ምንጭ፦ www.xinhuanet.com

You might also like
Comments
Loading...