Fana: At a Speed of Life!

የቀድሞው የሴኔጋልፕሬዚዳንት ሀገሪቱ በዚህ ወር ለማካሄድ ያቀደችውን ምርጫ እንድትሰርዝ ጥሪ አቀረቡ

አዲስ አበባ፣ ጥር 30፣ 2011 (ኤፍ.ቢ.ሲ) የቀድሞው የሴኔጋልፕሬዚዳንት ሀገሪቱ በዚህ ወር ለማካሄድ ያቀደችውን ምርጫ እንድትሰርዝ ጥሪ አቀረቡ።

የ92 ዓመቱ የቀድሞው ፕሬዚዳንት አብዱላየ ዋዴ ሴኔጋል እንደአውሮፓዊያኑ አቆጣጠር የካታቲት 24 ቀን፣ 2019 ለማካሄድ ያቀደቸው ፕሬዚዳንታዊ ምርጫ እንድትሰርዝ የጠየቁት ገዥው ፓርቲ በተፎካካሪ ፓርቲዎች ላይ ጫና እያሳደረ ነው ከሚል ውንጀላ ጋር በተያያዘ ነው ተብሏል።

ለዚህም የቀድሞው የዳካር ከንቲባ የነበሩትን ካሊፋ ሳል በሀገሪቱ ህገ መንግስታዊ ፍርድ ቤት በዚህ ምርጫ እንዳይወዳደሩ መታገዳቸውን አንስተዋል።

በሀገሪቱ ዴሞክራሲያዊ ሽግግር ለማድረግ የሚያስችል ብሄራዊ ኮሚሽን እንዲያቋቁም የፕሬዚዳንት ማኪ ሳል አስተዳደርን ይጠይቃሉ ተብሎ እንደሚጠበቅ ነው የተገለጸው፡፡

ፕሬዚዳንት ዋዴ እንደ አውሮፓውያኑ አቆጣጠር በመጋቢት ወር 2000 ዓ.ም ወደ ስልጣን የመጡ ሲሆን÷ በሀገሪቱ 3ኛው ፕሬዚዳንት መሆናቸው ይታወቃል፡፡

በሀገሪቱ የ40 ዓመታት ታሪክ ሶሻሊስት ፓርቲ በምርጫ አሸንፎ ስልጣን ሲይዝ የፕሬዚዳንት ዋዴ ፓርቲ የመጀመፊያው መሆኑም ነው የተገለፀው፡፡

ምንጭ፡- ሲጂቲኤን

You might also like
Comments
Loading...