Fana: At a Speed of Life!

የራሳችንን የህዋ ሳይንስ ቴክሎጂ ለመዘርጋት እየሰራን ነው አለ የኢኖቬሽንና ቴክኖሎጂ ሚኒስቴር

አዲስ አበባ፣ ጥር 27፣ 2011 (ኤፍ.ቢ.ሲ) የኢኖቬሽንና ቴክኖሎጂ ሚኒስትር ዴኤታ ዶክተር ሹመቴ ግዛው የዓለም ሀገራት ከደረሱበት የህዋ ሳይንስ ቴክኖሎጂ በመጀመር የራሳችንን የህዋ ሳይንስ ቴክሎጂ ለመዘርጋት እየሰራን ነው አሉ።

ዶክተር ሹመቴ ግዛው ይህንን ያሉት የአፍሪካ የፈለከ-ፕላኔት እና የህዋ ሳይንስ ጅማሮ አለም አቀፍ አውደ ጥናት ላይ ነው።

አውደ ጥናቱ በአዲስ አበባ ሲካሄድ፥ በፈለከ-ፕላኔት እና በህዋ ሳይንስ ለመጀመሪያ ጊዜ ነው ተብሏል።

ከተለያዩ ሀገራት ከዩኒቨርሲቲና ከምርምር ተቋማት የመጡ የዘርፉ ምሁራን አውደ ጥናቱ ላይ እየተሳተፉ ይገኛሉ።

አውደ ጥናቱ በጥቅሉ ሌሎች ሀገራት ከደረሱበት የህዋ ሳይንስ የዕድገት ደረጃ ለመድረስ የተለያዩ ልምዶችን ለመለዋወጥ ያለመ ስለመሆኑ ተነግሯል።

ዶክተር ሹመቴ ግዛው ህዋን የምናስሰው ለህዝባችን ጥቅም ስንል ብቻ ነው ያሉ ሲሆን፥ የህዋ ሳይንስ ሃሳብና ህልማችን እንዲሳካ የተለመደውን አካሄድ መስበር ያስፈልጋል ሲሉም ተናግረዋል።

በህዋ ሳይንስ የተሻለ ደረጃ ላይ የደረሱ ሀገራት ዘርፉን ገና ኢኮኖሚያቸው ሳያድግ የተቀላቀሉ ስለመሆናቸው የተጠቀሰ ሲሆን፥ ኢትዮጵያ ዘግይታም ቢሆን ለመቀላቀል እየሠራች መሆኗን ከሚኒስቴሩ ያገኘነው መረጃ ያመለክታል።

 

በአብርሃም ፈቀደ

You might also like
Comments
Loading...