Fana: At a Speed of Life!

የሠላም አስከባሪ ወታደሮችን የያዘች ሄሊኮፕተር ደቡብ ሱዳን ውስጥ ተከሰከሰ

አዲስ አበባ፣ የካቲት 3፣ 2011 (ኤፍ.ቢ.ሲ) ኢትዮጵያውያን የሠላም አስከባሪ ወታደሮችን የያዘች ሄሊኮፕተር ደቡብ ሱዳን ውስጥ ተከሰከሰች።

በአደጋውም ሦስት የሰላም አስከባሪዎች ወዲያው ሲሞቱ ሌሎች ሦስት የሰላም አስከባሪዎች ደግሞ በአሳሳቢ ሁኔታ ላይ ናቸው ተብሏል።

በወቅቱ ሄሊኮፕተሯ 23 የሰላም አስከባሪ አባላትን በመያዝ ቅኝት በማድረግ ላይ ሳለች ነው የተከሰከሰችው ተብሏል።

ሄሊኮፕተሯ የተከሰከሰችው በአብዬ ግዛት በተባበሩት መንግስታት የሰላም አስከባሪ ጊዜያዊ መጠለያ ውስጥ መሆኑን ዩኒስፋ አስታውቋል።

ሄሊኮፕተሯ በምን ምክንያት እንደተከሰከሰች የታወቀ ነገር የለም ተብሏል።

በአብዬ የተመድ ሰላም ማስከበር የተልዕኮና ግዳጅ ተጠባባቂ ኃላፊ ሜጀር ጀነራል ገብረ አድሃና ወልደእዝጉ የአደጋው ምክንያት እየተጣራ ስለመሆኑም ተናግረዋል።

ኢትዮጵያ በአብዬ የሰላም ማስከበር ላይ የተሰማሩ ከ4500 በላይ የሰላም አስከባሪዎች ማሰማራቷ ይታወቃል።

You might also like
Comments
Loading...