Fana: At a Speed of Life!

የምስልና ድምጽ ጨዋታ ሱስ ምግብ የከለከለው የ13 ዓመቱ ታዳጊ

አዲስ አበባ፣ የካቲት 19፣ 2011 (ኤፍ.ቢ.ሲ) የምስልና ድምጽ ጨዋታ ሱስ ምግብ የከለከለው የ13 ዓመቱ ታዳጊ ቤተሰብ ጉዳይ የማህበራዊ ሚዲያ መነጋገሪያ ሆኗል፡፡

በበይነ መረብ ምስልና ድምጽ ጨዋታ ሱስ ክፉኛ የተለከፈው የ13 ዓመቱ የፊሊፒንስያዊ ታዳጊ ውሎውን በይነ መርብ ካፌ ማድረጉ ለ37 አመት እናቱ ሊልይቤዝ ማርቨል ትልቅ የቤት ስራ ሆኗል ተብሏል፡፡

ታዳጊው በመኖሪያው አካባቢ በሚገኝ አንድ የበይነ መረብ ካፌ ዘወትር እየሄደ የ48 ሰዓት ርዝመት ያላቸውን የበይነ መረብ የምስልና ድምጽ ጨዋታዎችን እንደሚጫወት ተነግሯል፡፡

በዚህም ታዳጊው በቁርስና ምሳ ሰዓት ወደ ቤቱ መሄድ ማቆሙና እናቱ ሊልይቤዝ ማርቨል ታዳጊው ወደ ሚገኝበት ቦታ በማቅናት ምግብ ማጉረስ መጀመራቸው ነው የተገለጸው፡፡

እናቱ ምግብ ይዘው ወደ በይነ መረብ ካፍቴሪያው ከሄዱ በኋላም እንኳ ታዳጊው ምግብ ለመጉረስ ጨዋታውን እንደማያቋርጥ ታውቋል፡፡

በዚህም ታዳጊው ኮምፒውተር ላይ ጨዋታውን ሳያቋርጥ እናቱ እንደሚያጎርሱት ዘገባው ያመለክታል፡፡

ይህንን ሁኔታ በምስልና ድምጽ የሚያሳዩ መረጃዎች በፊሊፒንስ ማህበራዊ ድረ ገጾች በፍጥነት እየተዘዋወሩ እንደሚገኝ የተገለጸ ሲሆን÷ ለዚህ የሚሆን  መፍትሄ በተለያዩ አካላት እየተሰጠ ይገኛል፡፡

የ37 አመቷ ሊልይቤዝ ማርቨል ከዛሬ ሁለት ዓመት በፊት ልጃቸው እንዲህ ያለ ችግር እንዳልነበረበት በመግለጽ÷ ታዳጊው በሰፈራቸው በሚገኝ አንድ የበይነ መረብ ካፌ እያመሸ መምጣቱንና በሂደት ችግሩ እየባሰበት እንደሄደ ይነገራሉ፡፡

ቤተሰቦቹ ታዳጊው ከዚህ ድርጊቱ ለማስቆም  ያደረጉት ሙከራ ውጤታማ ባለመሆኑ ችግሩ እንዳለ ድጋፍ ማድረግ እንደቀጠሉ ተጠቁሟል፡፡

ለምስልና ድምጽ ጨዋታው ሙሉ ጊዜውን የሰጠው ታዳጊው ትምህርቱ ላይ ትኩረት እንዳላደረገ እና   ከትምህርት ቤትም እንደቀረ ነው የተገለፀው፡፡

ምንጭ፡- odditycentral.com

You might also like
Comments
Loading...