Fana: At a Speed of Life!

የመካከለኛው አፍሪካ ሪፐብሊክ መንግስት በትጥቅ ትግል ከሚንቀሳቀሱ 14 የታጠቁ ኃይሎች ጋር የሰላም ስምምነት ተፈራራመ

አዲስ አበባ፣ ጥር 30፣ 2011 (ኤፍ.ቢ.ሲ) የመካከለኛው አፍሪካ ሪፐብሊክ መንግስት በትጥቅ ትግል ከሚንቀሳቀሱ 14 የታጠቁ ኃይሎች ጋር የሰላም ስምምነት ተፈራራመ፡፡

የመካከለኛው አፍሪካ ሪፐብሊክ መንግስት በሀገሪቱ ነፍጥ አነስተው ከሚንቀሳቀሱ 14 ቡድኖች ጋር በመዲናዋ ባንጉዊ ስምምነት መፈራረሙ ተነግሯል፡፡

የሰላም ስምምነቱ የተፈረመውም መንግስትና ተፋላሚዎቹ የአፍሪካ ሰላም ኢኒሼቲቭ፣ የአፍሪካ ህብረትና የተባበሩት መንግስታት ተወካዮች የተሳተፉበት 10 ቀናትን የፈጀ ውይይት በሱዳን ካርቱም ካካሄዱ በኋላ ነው ተብሏል፡፡

እንደ አውሮፓአውያኑ አቆጣጠር በ2013 እስላማዊ አማፂያን በሰለካ ጥላ ስር አብዛኛዎቹ ነዋሪዎች ክርስቲያን በሆኑባት መካከለኛው አፍርካ ሪፐብሊክ ስልጣን ከተቆጣጠሩ በኋላ ሀገሪቱ ወደ ቀውስ መግባቷ ይነገራል፡፡

ለቀውሱ መባባስም ፀረ ባላካ የተባሉ የክርስቲያን ሚሊሻዎች በሰለካ ላይ ዘመቻ መክፈታቸው መሆኑን ዘገባው ያመለክታል፡፡

በዚሁ ግጭት በሺዎች የሚቆጠሩ ሰዎች ሲሞቱ በርካታ ሰዎች ቀያቸውን ለቀው መሰደዳቸውም ይታወቃል፡፡

በመንግስትና በታጣቂዎቹ መካካል የተፈረመው ይህ ስምምነት በሀገሪቱ የግጭት ምዕራፍ በመዝጋት ሰላምን ያረጋግጣል ተብሎ ተስፋ የተጣለበት መሆኑን ዘገባው ያስረዳል፡፡

ምንጭ፦ሲጂቴ ኤን

You might also like
Comments
Loading...