Fana: At a Speed of Life!

ጋዝን ብቻ በመጠቀም የህክምና መሳሪያዎችን ከባክቴሪያ ነፃ በማድረግ ለድጋሚ አገልግሎት ዝግጁ የሚያድርግ መሳሪያ ሊመረት ነው

አዲስ አበባ፣ የካቲት 14፣ 2011 (ኤፍ ቢ ሲ) ጋዝን ብቻ በመጠቀም የህክምና መሳሪያዎችን ከባክቴሪያ ነፃ በማድረግ ለድጋሚ አገልግሎት ዝግጁ የሚያድርግ መሳሪያ ሊመረት ነው፡፡

ይህን አሰራር ተግባራዊ ለማድረግ  የኢኖቬሽንና ቴክኖሎጂ ሚኒስትር አይኤምጂ ኢንተርናሽናል ሜዲካል ግሩፕ ስምምነት ላይ ደርሷል፡፡

አሁን ጥቅም ላይ ያሉት መሳሪያዎች በህክምና ጣቢያዎች ውስጥ ተቀምጠው ውሃና መብራትን የሚጠቀሙ ናቸው፡፡

ተግባራዊ የሚደረገው ተንቀሳቃሽ የህክምና መሳሪያዎች ማንፂያ መብራት የማይፈልግ ሲሆን፥ በቀላሉ ከቦታ ቦታ በማንቀሳቀስ ጥቅም ላይ የሚውል ነው ተብሏል፡፡

ከኬሚካል ኢንደስትሪዎች ጋዝ በቀላሉ ማግኘት ስለሚቻል የግብዓት ችግር እንደማይኖር ተጠቁሟል፡፡

ማንኛውንም የህክምና መሳሪያዎችን ለድጋሚ አገልግሎት ዝግጁ የሚያደርገው ይህ መሳሪያ የውሃና መብራት እጥረት ባለበት አካባቢ የሚሰጠውን ህክምና ለማገዝ ትልቅ ሚና ስለሚኖረው ወደ ምርት እንዲገባ አስፈላጊውን እገዛ እንደሚደረግ የኢኖቬሽንና ቴክኖሎጂ ሚኒስትር ዴኤታ ዶክተር  ሹመቴ ግዛው ተናግረዋል፡፡

ሚኒስትር ዴኤታው የጤናውን ዘርፍ በአዳዲስ ቴክኖሎጂዎች ለመደገፍ ሚኒስቴር መስርያ ቤቱ እየሰራ መሆኑን ጠቁመዋል፡፡

You might also like
Comments
Loading...