Fana: At a Speed of Life!

ኢንስታግራም ተጠቃሚዎችን ለጉዳት የሚያነሳሱ ተንቀሳቃሽ ምስሎችን ከገጹ ሊየስወግድ ነው

አዲስ አበባ፣ የካቲት 1፣ 2011 (ኤፍ ቢ ሲ) ኢንስታግራም ተጠቃሚዎች በራሳቸው ላይ የተለያዩ ጉዳቶችን እንዲፈፅሙ የሚያበረታቱ ተንቀሳቃሽ ምስሎችን ከገጹ ሊያስወግድ መሆኑን አስታውቋል።

መተግበሪያው ይህን የሚያደርገው በገጹ ላይ በሚለቀቁ አሰቃቂ ተንቀሳቃሽ ምስሎችን በመመልከት ራሳቸውን ለጉዳት የሚዳርጉ ተጠቃሚዎች ቁጥር እየተበራከተ በመምጣቱ ነው ተብሏል።

ባለፈው የፈረንጆች ዓመት በኢንስታግራም የሚለቀቁና ራስን ለመጉዳት የሚያነሳሱ ምስሎችን በመመልከት የተለያዩ ሰዎች ለህልፈት መዳረጋቸው ተገልጿል።

ለዚህም ሞሊሩዜል የተባለች የ14 ዓመት ታዳጊ በመተግበሪያው ገፅ ላይ የሚለቀቁ ምስሎችን በመመልከት ራሷን ማጥፋቷን ወላጅ አባቷ መናገራቸው በዘገባው ተመላክቷል።

ኢንስታግራምም እነዚህን ችግሮች ለመቅረፍ በቅርቡ በገፁ ላይ የተለቀቁ አሰቃቂና ተጠቃሚዎችን ለአላስፈላጊ ድርጊት የሚያነሳሱ ተንቀሳቃሽ ምስሎችን ሙሉ በሙሉ የሚያስወግድ መሆኑ ነው የተገለፀው።

ከዚህ ባለፈም የሚለቀቁ አላስፈላጊ ተንቀሳቃሽ ምስሎችን ማስወገድ የሚችለውን መተግበሪያ በተሻለ ጥራትና አቅም እንደገና ለማዘጋጀት እየሰራ መሆኑም ተጠቁሟል።

ኢንስታግራም በቅርቡ የተለያዩ ሀሰተኛ መረጃዎችንና የጥላቻ መልዕክቶችን ለመቆጣጠር ተጠቃሚዎች ለጓደኞቻቸው የሚያጋሩትን የመልዕክት መጠን መገደቡ ይታወሳል።

ምንጭ፦ ቢቢሲ

You might also like
Comments
Loading...